Zaburi 1 - BIBLIA Maandiko Matakatifu Kwa Watu Wote 2002

SEHEMU YA KWANZA (Zaburi 1–41 )

¹ Heri mutu asiyefuata shauri la waovu, asiyeshiriki katika njia ya wenye zambi, wala kukusanyika na wenye kuzarau;

² lakini anafurahia sheria ya Yawe, na kuifikiri muchana na usiku.

³ Huyo ni kama muti uliopandwa kando ya vijito, unaozaa matunda kwa wakati wake, na majani yake hayanyauki hata kidogo. Anafanikiwa katika yote anayofanya.

⁴ Lakini waovu si vile hata kidogo. Wao ni kama maganda yanayopeperushwa na upepo.

⁵ Kwa hiyo watu waovu wataanguka wakati wa hukumu, wenye zambi hawatashiriki katika kusanyiko la watu wa haki.

⁶ Maana Yawe anashugulikia njia ya watu wa haki; lakini njia ya waovu itaangamia.