Yobu 7 - BIBLIA Maandiko Matakatifu Kwa Watu Wote 2002

¹ Mwanadamu ana magumu katika dunia, na siku zake ni kama siku za mutumishi wa mushahara!

² Yeye ni kama mutumwa anayetamani kivuli, kama mutumishi anayengoja kwa hamu mushahara wake.

³ Basi nimepangiwa miezi na miezi ya taabu, urizi wangu ni kuteseka usiku kwa usiku.

⁴ Ninapolala ninasema: “Nitaamuka wakati gani?” Maana saa za usiku ni ndefu sana; ninagaagaa katika kitanda mpaka mapambazuko!

⁵ Mwili wangu umejaa vidudu na uchafu; ngozi yangu imekauka na kutokwa na usaha wa jipu.

⁶ Siku zangu zinapita mbio kuliko gurudumu la mushonaji, nazo zinafikia mwisho wake bila matumaini.

⁷ Kumbuka, maisha yangu ni pumzi tu; jicho langu halitaona jambo zuri lolote tena.

⁸ Anayeniona sasa, hataniona tena, mara tu ukiniangalia nitakuwa nimetoweka.

⁹ Kama vile wingu linavyofifia na kutoweka, ndivyo nao watu wanavyoshukia kuzimu bila kurudi.

¹⁰ Anayeondoka harudi tena kwa jamaa yake, na pale alipokuwa anaishi, wanamusahau mara moja.

¹¹ Kwa hiyo sitakizuia kinywa changu kusema. Nitasema kwa kusongwa kwa roho yangu, nitalalamika kwa uchungu wa nafsi yangu.

¹² Mimi ni bahari au nyama mukubwa wa bahari hata upate kuniwekea mulinzi?

¹³ Nikisema “Kitanda kitanipumzisha, matandiko yangu yatanipunguzia malalamiko yangu”,

¹⁴ wewe unakuja kunitia hofu kwa ndoto, unanitisha kwa kuniletea maono,

¹⁵ hata ninaona afazali kutundikwa, ninaona heri kufa kuliko kupata mateso haya.

¹⁶ Ninayachukia maisha yangu. Sitaishi milele. Muniache, maana siku zangu ni pumzi tu!

¹⁷ Mwanadamu ni nini hata umujali? Kwa nini unajishugulisha naye

¹⁸ na kuja kumuchunguza kila asubui, na kumupima kila wakati?

¹⁹ Utaendelea kuniangalia mpaka wakati gani, bila kuniacha hata nimeze mate?

²⁰ Kama nikitenda zambi, inakuuzi nini, ewe muchungaji wa wanadamu? Mbona umeniweka kuwa shabaha ya mapigo yako? Kwa nini nimekuwa muzigo kwako?

²¹ Mbona haunisamehe kosa langu na kuniondolea uovu wangu? Hivi kisha muda kidogo nitalazwa chini katika mavumbi. Utanitafuta, lakini sitakuwa tena!