Yobu 5 - BIBLIA Maandiko Matakatifu Kwa Watu Wote 2002

¹ Ita sasa, uone kama kuna wa kukuitikia. Ni nani kati ya watakatifu utakayemwita?

² Kweli mahangaiko yanamwua mupumbafu, na wivu unamwangamiza mujinga.

³ Nimepata kuona mupumbafu akistawi, lakini kwa rafla nikalaani makao yake.

⁴ Watoto wake hawana usalama. Wanaonelewa katika tribinali, na hakuna mutu wa kuwatetea.

⁵ Mazao yake yanakuliwa na wenye njaa, hata ngano iliyoota kati ya miiba. Wenye tamaa wananyanganya utajiri wake.

⁶ Kwa kawaida mateso hayatoki katika mavumbi, wala matatizo hayachipuki katika udongo.

⁷ Lakini mwanadamu anazaliwa apate taabu, kama vile cheche za moto zinavyoruka juu.

⁸ Kwa ngambo yangu, mimi ningemugeukia Mungu, ningemutolea Mungu maneno yangu,

⁹ yeye anayetenda mambo makubwa yasiyochunguzika, anayetenda maajabu yasiyohesabika.

¹⁰ Ananyeshea inchi mvua, anapeleka maji katika mashamba.

¹¹ Anainua juu wanaokuwa zaifu; wenye kuomboleza anawapa usalama.

¹² Anavunja mipango ya wadanganyifu, matendo yao yasipate mafanikio.

¹³ Anawanasa wenye hekima kwa werevu wao, anakomesha mara moja mipango ya waovu.

¹⁴ Wao wanapatwa na giza wakati wa muchana; muchana kati wanapapasapapasa kama vile usiku.

¹⁵ Lakini Mungu anawaokoa wayatima wasiuawe, anawaponyesha wakosefu toka katika mikono ya wenye nguvu.

¹⁶ Hivyo wamasikini wanapata tumaini, nao uovu unakomeshwa.

¹⁷ Heri mutu yule anayeazibiwa na Mungu! Hivyo usizarau Mungu Mwenye Uwezo anapokuazibu.

¹⁸ Maana yeye anaumiza na tena anatunza, anatia kidonda na kwa mukono wake anaponyesha.

¹⁹ Atakuokoa mara sita toka katika magumu; hata mara saba hasara haitakugusa.

²⁰ Atakuepusha toka kifo wakati wa njaa, toka mapigo ya upanga wakati wa vita.

²¹ Utakingwa salama na mashambulio ya ulimi, wala hautaogopa maangamizi yanapokuja.

²² Maangamizi na njaa vinapokuja, utacheka, wala hautaogopa nyama wakali wa inchi.

²³ Nawe utapatana na mawe ya shamba, na nyama wakali watakuwa na amani nawe.

²⁴ Utakaa na amani katika nyumba yako; utachunguza makundi yako ya nyama, utaona yote iko.

²⁵ Utaona vilevile wazao wako watakuwa wengi, wengi kama majani katika mashamba.

²⁶ Utashuka katika kaburi ukiwa na miaka yenye kutimia, kama vile muganda wa ngano uliokomaa vizuri.

²⁷ Basi haya ndiyo mambo tuliyochunguza. Ni hivi tu. Uyasikie na kuyaelewa kwa faida yako.