Yobu 40 - BIBLIA Maandiko Matakatifu Kwa Watu Wote 2002

¹ Yawe akaendelea kumwambia Yobu:

² Wewe mwenye kuchunguza makosa utashindana na Mungu Mwenye Uwezo? Wewe unayebishana nami Mungu, basi ujibu mambo hayo!

³ Kisha Yobu akamujibu Yawe:

⁴ Mimi sifai kitu. Nitakujibu nini? Ninafunga kinywa changu.

⁵ Nilisubutu kusema na sitasema tena. Nilisema mengi lakini sitaendelea kusema zaidi.

⁶ Halafu Yawe akamujibu kutoka katika zoruba:

⁷ Ujikaze kama mwanaume. Nitakuuliza, nawe utanijibu.

⁸ Unataka kweli kugeuza hukumu yangu, kuniona nina kosa kusudi wewe usikuwe na kosa?

⁹ Una nguvu kama mimi Mungu? Unaweza kunguruma kwa sauti kama yangu?

¹⁰ Basi, ujionyeshe kuwa na utukufu na ukubwa, ujipambe kwa heshima na mamlaka.

¹¹ Uwamwangie watu hasira yako kubwa; umwangalie kila mwenye kiburi na kumwangusha.

¹² Umwangalie kila mwenye kiburi na kumuporomosha, uwakanyage waovu pahali wanapokuwa.

¹³ Uwazike wote pamoja ndani ya udongo; umufunge kila mumoja kwa kifungo cha kifo.

¹⁴ Halafu nitakutambua kwa vile nguvu yako mwenyewe imekupa ushindi.

¹⁵ Uangalie yule nyama mukubwa kiboko. Nilimwumba kama nilivyokuumba wewe. Yeye anakula majani kama ngombe,

¹⁶ lakini ana nguvu ajabu katika mwili wake, na mishipa ya tumbo lake ni imara.

¹⁷ Mukia wake ni wenye nguvu kama mwerezi, mishipa ya mapaja yake imeshonwa pamoja.

¹⁸ Mifupa yake ni kama mirija ya shaba, mbavu zake ni kama vipande vya chuma.

¹⁹ Yeye ni wa kwanza wa ajabu kati ya viumbe vyangu! Ni mimi Muumba wake ninayeweza kumutawala.

²⁰ Milima ambamo nyama wote wa pori wanamochezea inatoa chakula chake.

²¹ Anajilaza chini ya vichaka vya miiba, na kujificha kati ya matete ndani ya tingitingi.

²² Vivuli vya vichaka vya miiba vinamufunika na vya miti inayoota pembeni ya vijito.

²³ Muto ukifurika haogopi, hatishiki hata muto Yordani ukifurikia katika kinywa.

²⁴ Nani anayeweza kuziba macho yake na kumuteka? Nani anayeweza kumutoboa pua kwa mutego?

²⁵ Unaweza kuvua yule nyama mukubwa Leviatani kwa ndoana, au kuufunga ulimi wake kwa kamba?

²⁶ Unaweza kumutia kamba katika pua lake, au kumutoboa taya kwa kulabu?

²⁷ Unazani atakusihi umwachilie? Atazungumuza nawe kwa upole?

²⁸ Atafanya mapatano nawe, umuchukue kuwa mutumishi wako milele?

²⁹ Utacheza naye kama ndege, au kumufunga kamba acheze na wajakazi wako?

³⁰ Unazani wavuvi watashindania bei yake? Wachuuzi watasubutu kumukata na kugawanyana?

³¹ Wanaweza kuitoboa ngozi yake kwa mikuki, au kichwa chake kwa chuma cha kuvua samaki?

³² Jaribu tu kumugusa: ukifikiri juu ya vita naye, hautarudilia tena kufanya hivyo.