Yobu 39 - BIBLIA Maandiko Matakatifu Kwa Watu Wote 2002

¹ Unajua mbuzi wa milima anazaa wakati gani, au umekwisha kuona kulungu akizaa?

² Unajua anapata mimba kwa muda gani, au siku yenyewe ya kuzaa unaijua?

³ Wanachutama kwa kuzaa, wanazaa vitoto vyao.

⁴ Vitoto vyao vinapata nguvu, vinakomaa kulekule katika pori, kisha vinawaacha wamama zao na kwenda zao.

⁵ Nani aliyemwacha huru punda wa pori? Nani aliyewaacha waende kwa kuwafungua?

⁶ Mimi niliwapa jangwa likuwe nyumba yao, mbuga zenye chumvi kuwa makao yao.

⁷ Wanajitenga kabisa na makelele ya miji, hawasikilizi kelele la muchungaji.

⁸ Wanatembeatembea katika milima kwa kupata malisho, na kutafuta kitu chochote kinachokuwa kibichi.

⁹ Mbogo atakubali kukutumikia? Atakubali kulala katika zizi lako?

¹⁰ Unaweza kumufunga mbogo kamba kwa kulima shamba, au akokote jembe la kulima?

¹¹ Utamutegemea kwa sababu ana nguvu nyingi na kumwacha akufanyie kazi zako nzito?

¹² Unamutazamia mbogo akuvunie mavuno yako, na kuleta ngano kwenye nafasi ya kupepetea?

¹³ Mbuni anapigapiga mabawa yake kwa furaha, lakini hawezi kuruka kama korongo.

¹⁴ Mbuni anayaacha mayai yake juu ya udongo kusudi yapate joto ndani ya muchanga;

¹⁵ lakini hajui kama yanaweza kukanyagwa, au kuvunjwa na nyama wa pori.

¹⁶ Mbuni anatendea vitoto vyake kwa ukali kama vile si vyake, hata kazi yake ikiharibika yeye hana wasiwasi;

¹⁷ kwa sababu nilimufanya asahau hekima yake, wala sikumupa sehemu yoyote ya akili.

¹⁸ Lakini akianza kukimbia, anamuchekelea hata farasi na mupanda-farasi.

¹⁹ Yobu, ni wewe ndiwe uliyewapa farasi nguvu, ukawavalisha kwenye shingo manyoya marefu?

²⁰ Ni wewe unayemufanya farasi aruke kama nzige? Mulio wake wa maringo ni wa ajabu!

²¹ Anakwaruzakwaruza udongo katika mabonde kwa pupa; anakimbilia kwenye mapigano kwa nguvu zake zote.

²² Farasi anaichekelea hofu, na hatishiki; wala upanga hauwezi kumurudisha nyuma.

²³ Silaha wapanda-farasi wanazobeba, zinagongana kwa sauti na kuangaa kwenye jua.

²⁴ Farasi anasonga mbele, akitetemeka kwa hasira; baragumu inapolia, yeye hasimami.

²⁵ Kila mara baragumu inapopigwa, yeye anatoa sauti; anasikia harufu ya vita toka mbali, anasikia mushindo wa majemadari wakitoa amri kwa makelele.

²⁶ Mwewe amejifunza kwako jinsi ya kuruka, na kunyoosha mabawa yake kuelekea upande wa kusini?

²⁷ Tai anapanda juu kwa amri yako, na kuweka chicha yake juu kwenye milima?

²⁸ Tai anafanya makao yake juu ya mawe marefu, na incha kali za mawe makubwa ndizo maficho yake.

²⁹ Kutoka kule anavizia nyama, macho yake yanaiona kutoka mbali.

³⁰ Vitoto vyake vinafyonza damu; pale muzoga unapokuwa ndipo tai anapokuwa.