Yobu 29 - BIBLIA Maandiko Matakatifu Kwa Watu Wote 2002

¹ Kisha Yobu akaendelea na masemi yake, akasema:

² Heri ningekuwa kama zamani, wakati ule ambapo Mungu alinichunga,

³ wakati taa yake iliponiangazia juu ya kichwa, na kwa mwangaza wake nilitembea katika giza.

⁴ Wakati ule nilifikia ukamilifu wa maisha, wakati urafiki wa Mungu ulikaa ndani ya nyumba yangu.

⁵ Mungu Mwenye Uwezo alikuwa angali pamoja nami, na watoto wangu walinizunguka.

⁶ Nyakati hizo niliogelea kwenye fanaka. Mawe yalinitiririshia vijito vya mafuta.

⁷ Nilipokutana na wazee kwenye mulango wa muji na kutwaa nafasi yangu katika mukutano,

⁸ vijana waliponiona walisimama pembeni, na wazee walisimama wima kwa heshima.

⁹ Wakubwa waliponiona waliacha kuzungumuza, waliweka kidole juu ya midomo kuwaomba watu wakae kimya.

¹⁰ Sauti za waheshimiwa zilinyamazishwa, na vinywa vyao vikafumbwa.

¹¹ Kila mutu aliyesikia habari zangu alinitakia heri na aliponiona, alikubali habari zile kuwa kweli.

¹² Nilimwokoa masikini aliyenililia kupata musaada, vilevile na yatima asiyekuwa na wa kumusaidia.

¹³ Waliokuwa karibu kuangamia walinitakia baraka. Niliwafanya wajane waone tena furaha ndani ya moyo.

¹⁴ Haki ilikuwa ndiyo nguo yangu; kufuata sheria ya Mungu kulikuwa kama vile kanzu na taji langu.

¹⁵ Kwa vipofu nilikuwa macho ya kuwaonyesha njia; kwa viwete nilikuwa miguu yao.

¹⁶ Kwa wamasikini nilikuwa baba yao; nilifanya bidii kutetea haki za watu nisiowajua.

¹⁷ Nilivunja nguvu za watu waovu, nikawafanya wawaachilie mateka wao.

¹⁸ Kisha nikafikiri: “Nitakufia ndani ya chicha yangu,” na siku za maisha yangu zitaongezeka kama vile muchanga.

¹⁹ Mimi ni kama vile muti uliotandaza mizizi ndani ya maji; umande wa usiku unanyesha juu ya matawi yangu.

²⁰ Ninapata utukufu mupya siku zote, na nguvu zangu tayari kama vile mushale na upinde.

²¹ Wakati ule watu walinisikiliza na kungoja, walikaa kimya kungojea mashauri yangu.

²² Nilipomaliza kusema hawakukuwa na cha kuongeza; maneno yangu yaliwakolea kama vile matone ya mvua.

²³ Watu waliningojea kama vile wanavyongojea mvua, walikuwa kama vile watu wanaotazamia mvua ya kwanza.

²⁴ Walipokata tamaa, niliwaonyesha uso wa furaha; walishika muchangamuko wa uso wangu.

²⁵ Niliwatangulia kwa kuwaongoza, nikawaonyesha njia. Nilikuwa kwao kama vile mufalme kati ya majeshi yake; kama vile mutu anayewafariji wenye musiba.