Yobu 10 - BIBLIA Maandiko Matakatifu Kwa Watu Wote 2002

¹ Ninachukia maisha yangu! Malalamiko yangu nitayasema bila kizuizi. Nitasema kwa uchungu wa moyo wangu.

² Nitamwambia Mungu: Usinitendee sawa na mwenye makosa. Unijulishe sababu ya kugombana nami.

³ Ni sawa kwako kunionea, kuzarau kazi ya mikono yako na kupendelea mipango ya waovu?

⁴ Uko na macho kama ya mwanadamu? Unaona kama vile mwanadamu anavyoona?

⁵ Siku zako ni kama za mwanadamu? Miaka yako kama ya mwanadamu?

⁶ Kwa nini unachunguza uovu wangu na kuitafuta zambi yangu?

⁷ Wewe unajua kwamba mimi sina kosa, na hakuna wa kuniokoa toka katika mikono yako.

⁸ Mikono yako ilinitengeneza na kuniumba, lakini sasa unageuka kwa kuniangamiza.

⁹ Kumbuka kwamba uliniumba kwa udongo. Utanirudisha tena katika mavumbi?

¹⁰ Si wewe uliyenimimia kama maziwa, na kunigandisha kama siagi?

¹¹ Uliuumba mwili wangu kwa mifupa na mishipa, ukaifunika mifupa yangu kwa nyama na ngozi.

¹² Ukanipa uzima na kunitendea mema, ukalinda nafsi yangu kwa uangalifu.

¹³ Hata hivyo mambo haya uliyaficha ndani ya moyo. Lakini ninajua kwamba ile ilikuwa nia yako.

¹⁴ Ulikuwa unangojea uone kama nitatenda zambi, kusudi ukatae kunisamehe uovu wangu.

¹⁵ Kama mimi ni mwovu, ole wangu! Kama mimi ni mwenye haki, siwezi kujisifu; maana nimejaa haya, nikiangalia mateso yangu.

¹⁶ Nikiinua kichwa tu, unaniwinda kama simba na kuniponda tena kwa maajabu yako.

¹⁷ Kila mara uko na ushuhuda juu yangu, unaongeza hasira yako juu yangu, unaniletea waadui wapya wanishambulie.

¹⁸ Ee Mungu, kwa nini ulinitoa katika tumbo ya mama? Afazali ningekufa mbele ya watu kuniona,

¹⁹ ningepelekwa katika kaburi, na kuwa kama mutu asiyekuwa.

²⁰ Siku za maisha yangu si chache? Uniachilie nipate kufurahi kidogo,

²¹ mbele ya kwenda kule ambako sitarudi, kule kwenye inchi ya huzuni na giza kubwa;

²² inchi ya huzuni na fujo, ambako mwangaza wake ni kama giza.