Tito 2 - BIBLIA Maandiko Matakatifu Kwa Watu Wote 2002

Mafundisho ya kweli

¹ Lakini kwa ngambo yako, ufundishe maneno yale yanayolingana na mafundisho ya kweli.

² Uwaambie wazee wanaume wakuwe wakadirifu, wenye heshima na utaratibu, wenye kukamilika katika imani, katika upendo na uvumilivu.

³ Vilevile uwaambie wanawake wazee wakuwe na mwenendo unaostahili kwa watu watakatifu. Hawapaswi kuwa wasingiziaji, wala wasikuwe watumwa wa pombe, lakini wakuwe wenye kutoa mafundisho mazuri.

⁴ Kwa njia hii wataweza kuwafundisha vijana wanawake kuwapenda waume wao na watoto wao,

⁵ na kuwa wenye utaratibu, wenye maisha safi, wenye kutunza nyumba zao vizuri, wema na wenye kutii waume wao, kusudi Neno la Mungu lisitukaniwe.

⁶ Vilevile uwaonye vijana wanaume wakuwe wenye utaratibu katika mambo yote.

⁷ Na wewe unapaswa kuwa mufano katika matendo mema, ukionyesha ukweli na heshima katika mafundisho yako.

⁸ Ufundishe maneno ya kweli watu wasiyoweza kubishia, hata wale wanaokupinga wapate haya kwa kukosewa na neno baya la kusema juu yetu.

⁹ Sherti watumwa watii wabwana wao katika mambo yote na kuwapendeza, wakiepuka kubishana nao

¹⁰ na kuiba vitu vyao. Lakini wajionyeshe kila mara kuwa waaminifu kamili, kusudi wapate kuheshimisha mafundisho juu ya Mungu Mwokozi wetu katika mambo yote.

¹¹ Kwa maana neema ya Mungu inayoleta wokovu kwa watu wote imeonekana waziwazi.

¹² Neema hii inatufundisha kwamba tuache uovu na tamaa za dunia, na kuishi katika dunia hii ya sasa katika ukadirifu, katika haki na kushikamana na ibada.

¹³ Na hivi tutaishi tukingojea ule uheri tunaoutumainia, wakati utukufu wa Mungu wetu Mukubwa na Mwokozi wetu Yesu Kristo utakapotokea.

¹⁴ Yeye alijitoa mwenyewe kwa ajili yetu, kusudi atukomboe toka uovu wote na kututakasa tupate kuwa watu wake wa pekee, watu wanaokuwa na hamu ya kufanya kazi nzuri.

¹⁵ Haya ndiyo maneno unayopaswa kufundisha, ukiwaonya watu na kuwakaripia kwa mamlaka yote. Usijiachilie kuzarauliwa na mutu yeyote.