Mwanzo 5 - BIBLIA Maandiko Matakatifu Kwa Watu Wote 2002

Wazao wa Adamu

¹ Hiki ndicho kitabu cha uzao wa Adamu. Wakati Mungu alipowaumba wanadamu, aliwaumba kwa mufano wake.

² Aliwaumba mwanaume na mwanamuke, kisha akawabariki na kuwapa jina “Wanadamu” siku ileile alipowaumba.

³ Adamu alipokuwa na umri wa miaka mia moja na makumi tatu, alipata mutoto aliyefanana naye, na mwenye sura kama yake; akamwita Seti.

⁴ Kisha kuzaa Seti, Adamu akaishi miaka mia nane, na kupata wana wengine na wabinti.

⁵ Adamu alikufa akiwa na umri wa miaka mia tisa na makumi tatu.

⁶ Wakati Seti alipokuwa na umri wa miaka mia moja na mitano, akazaa Enosi.

⁷ Kisha kuzaa Enosi, Seti akaishi miaka mia nane na saba, na kupata wana wengine na wabinti.

⁸ Seti akakufa akiwa na umri wa miaka mia tisa kumi na miwili.

⁹ Wakati Enosi alipokuwa na umri wa miaka makumi tisa, akazaa Kenani.

¹⁰ Kisha kuzaa Kenani, Enosi akaishi miaka mia nane kumi na mitano, na kupata wana wengine na wabinti.

¹¹ Enosi akakufa akiwa na umri wa miaka mia tisa na mitano.

¹² Wakati Kenani alipokuwa na umri wa miaka makumi saba, akazaa Mahalaleli.

¹³ Kisha kuzaa Mahalaleli, Kenani akaishi miaka mia nane na makumi ine, na kupata wana wengine na wabinti.

¹⁴ Kenani alikufa akiwa na umri wa miaka mia tisa na kumi.

¹⁵ Wakati Mahalaleli alipokuwa na umri wa miaka makumi sita na mitano, akazaa Yaredi.

¹⁶ Kisha kuzaa Yaredi, Mahalaleli akaishi miaka mia nane na makumi tatu, na kupata wana wengine na wabinti.

¹⁷ Mahalaleli akakufa akiwa na umri wa miaka mia nane makumi tisa na mitano.

¹⁸ Wakati Yaredi alipokuwa na umri wa miaka mia moja makumi sita na miwili, akazaa Henoki.

¹⁹ Kisha kuzaa Henoki, Yaredi akaishi miaka mia nane, na kupata wana wengine na wabinti.

²⁰ Yaredi akakufa akiwa na umri wa miaka mia tisa makumi sita na miwili.

²¹ Wakati Enoki alipokuwa na umri wa miaka makumi sita na mitano, akazaa Metusela.

²² Enoki alikuwa anashirikiana na Mungu. Kisha kuzaa Metusela, Enoki aliishi miaka mia tatu, na kupata wana wengine na wabinti.

²³ Enoki aliishi miaka mia tatu makumi sita na mitano.

²⁴ Alikuwa akishirikiana na Mungu, akatoweka, kwa maana Mungu alimupeleka.

²⁵ Wakati Metusela alipokuwa na umri wa miaka mia moja makumi nane na saba, akazaa Lameki.

²⁶ Kisha kuzaa Lameki, Metusela akaishi miaka mia saba makumi nane na miwili, na kupata wana wengine na wabinti.

²⁷ Metusela akakufa akiwa na umri wa miaka mia tisa makumi sita na tisa.

²⁸ Wakati Lameki alipokuwa na umri wa miaka mia moja makumi nane na miwili, akazaa mutoto mwanaume.

²⁹ Akamwita mutoto yule Noa, akisema: “Mutoto huyu ndiye atakayetufariji kutokana na kazi yetu ngumu tunayofanya kwa mikono yetu katika inchi ambayo Yawe alilaani.”

³⁰ Kisha kuzaa Noa, Lameki akaishi miaka mia tano makumi kenda na mitano, na kupata wana wengine na wabinti.

³¹ Lameki akakufa akiwa na umri wa miaka mia saba makumi saba na saba.

³² Kisha Noa kutimiza umri wa miaka mia tano, akazaa Semu na Hamu na Yafeti.