Mezali 9 - BIBLIA Maandiko Matakatifu Kwa Watu Wote 2002

Hekima na upumbafu

¹ Hekima amejenga nyumba yake, nyumba yenye nguzo saba.

² Amechinja nyama wa karamu, divai yake ameitayarisha, ametandika meza yake.

³ Amewatuma wajakazi wake katika muji waite watu kutoka kwenye vilele vya milima:

⁴ “Yeyote anayekuwa mujinga akuje hapa!” Na yeyote anayekuwa mupumbafu unamwambia:

⁵ “Kuja ukule chakula, na ukunywe divai niliyotengeneza.

⁶ Achana na ujinga upate kuishi; fuata njia ya akili.”

⁷ Anayemwonya mwenye kiburi anapata mazarau, anayekaripia mwovu anajiletea matusi.

⁸ Usimwonye mwenye kiburi maana atakuchukia; umwonye mwenye hekima naye atakupenda.

⁹ Umufundishe mwenye hekima naye atazidi kuwa na hekima; umufundishe mutu wa haki naye atazidi kuwa na elimu.

¹⁰ Kumwogopa Yawe ni musingi wa hekima; na kumujua yule Mutakatifu ni kupata akili.

¹¹ Kwa musaada wangu mimi Hekima siku zako zitaongezwa; utaongezewa miaka mingi katika maisha yako.

¹² Kama una hekima, itakufaa wewe mwenyewe; kama ukiizarau, wewe mwenyewe utapata hasara.

¹³ Mwanamuke mupumbafu ana kelele, hajui kitu wala hana haya.

¹⁴ Anaikaa kitako kwenye mulango wa nyumba yake, anaweka kiti chake pahali pa juu katika muji,

¹⁵ na kuwaita watu wanaopita katika njia, watu wanaokwenda kwenye shuguli zao:

¹⁶ “Yeyote anayekuwa mujinga akuje hapa!” Na yeyote anayekuwa mupumbafu anamwambia:

¹⁷ “Maji yaliyoibwa ni matamu sana; mukate unaokuliwa kwa siri ni muzuri sana.”

¹⁸ Lakini mujinga hajui kwamba mule muna wafu, wageni wa mwanamuke yule wako chini katika kuzimu.