Mezali 7 - BIBLIA Maandiko Matakatifu Kwa Watu Wote 2002

¹ Mwana wangu, ushike maneno yangu, uchunge amri zangu.

² Ufuate amri zangu nawe utaishi; ulinde mafundisho yangu kama mboni ya jicho lako.

³ Uyafunge kwenye vidole vyako; uyaandike ndani ya moyo wako.

⁴ Uambie Hekima: “Wewe ni dada yangu”, na Akili: “Wewe ni rafiki yangu”.

⁵ Vitakulinda mbali na mwanamuke mubaya, vitakuepusha na maneno matamu ya mwanamuke mugeni.

⁶ Siku moja katika dirisha ya nyumba yangu, nilichungulia inje kupitia nyavu za dirisha,

⁷ nikawaona vijana wengi wajinga, na hasa mumoja aliyekuwa mupumbafu.

⁸ Huyo alikuwa akitembea kwenye barabara ile, karibu na pahali mwanamuke mumoja alipoishi. Basi akashika njia inayokwenda kwa mwanamuke yule.

⁹ Ilikuwa karibu wakati wa magaribi, giza na usiku vilikuwa vimeanza kuingia.

¹⁰ Kijana akakutana na yule mwanamuke; alivaa kama kahaba, mwenye ukorofi.

¹¹ Alikuwa mwanamuke wa makelele na mwenye kiburi; miguu yake haitulii ndani ya nyumba:

¹² mara katika barabara, mara katika soko, pembeni ya njia hakosekani akivizia.

¹³ Alimukumbatia kijana yule na kumubusu, na kwa maneno matamu, akamwambia:

¹⁴ “Ilinipasa kutoa sadaka zangu; leo hii nimekamilisha naziri yangu.

¹⁵ Ndio maana nimetoka kwa kukupokea, nimekutafuta kwa hamu nikakupata.

¹⁶ Nimetandika kitanda changu vizuri, kwa blanketi za rangi za kitani kutoka Misri.

¹⁷ Nimekinyuzia marasi, manemane, udi na mudalasini.

¹⁸ Kuja! Tufanye mapenzi mpaka asubui; kuja tujifurahishe kwa mapenzi.

¹⁹ Mume wangu hayuko ndani ya nyumba, amekwenda safari ya mbali.

²⁰ Amepeleka mufuko wa feza, hatarudi mbele ya mwandamo wa mwezi.”

²¹ Alimushawishi kwa maneno mengi ya kubembeleza; kijana akashawishiwa kwa maneno yake matamu.

²² Naye akamufuata yule mwanamuke moja kwa moja, kama ngombe anayekwenda kuchinjwa, kama mupambafu anayefungwa na kwenda kuazibiwa.

²³ Hakutambua kwamba maisha yake yako katika hatari, mpaka alipojikuta amekuwa kama amechomwa mushale ndani ya moyo, amekuwa kama ndege aliyerukia ndani ya wavu.

²⁴ Sasa wana wangu, munisikilize; mutege sikio kwa maneno ya kinywa changu.

²⁵ Musikubali kuongozwa na mwanamuke kama yule, wala musipitepite katika mapito yake.

²⁶ Maana amewaangusha wanaume wengi; ni wengi sana wale aliowachinja.

²⁷ Nyumba yake ni njia ya kwenda kuzimu, ni pahali pa kuteremukia katika mauti.