Mezali 29 - BIBLIA Maandiko Matakatifu Kwa Watu Wote 2002

¹ Anayeonywa mara nyingi na kuwa mugumu, ataangamia kwa rafla wala hatapata kupona.

² Wenye haki wakiongozeka, watu wanafurahi. Lakini waovu wakitawala, watu wanalalamika.

³ Anayependa hekima anamufurahisha baba yake; lakini anayeandamana na kahaba anapoteza mali yake.

⁴ Mufalme akifuata sheria ya Mungu, anaimarisha inchi. Lakini akipenda kituliro, taifa linaangamia.

⁵ Mwenye kumubembeleza jirani yake, anatega mutego wa kujinasa mwenyewe.

⁶ Mutu mubaya ananaswa kwa kosa lake, lakini mutu wa haki anaimba na kufurahi.

⁷ Mwenye haki anajua haki za wamasikini, lakini mutu mwovu hajui mambo hayo.

⁸ Wenye mazarau wanaleta mavurugo katika muji muzima, lakini wenye hekima wanatuliza kasirani.

⁹ Mwenye hekima akibishana na mupumbafu, akasirike au acheke, ni mamoja; hatatulia.

¹⁰ Wanaopenda kumwanga damu wanachukia mutu mukamilifu, lakini watu wa usawa wanalinda maisha yake.

¹¹ Mupumbafu anaonyesha hasira yake wazi, lakini mwenye hekima anaizuia na kuituliza.

¹² Mutawala akisikiliza mambo ya uongo, wakubwa wake wote watakuwa waovu.

¹³ Masikini na mugandamizaji wanafanana kwa kitu kimoja: wote wawili wamepewa macho na Yawe.

¹⁴ Mufalme anayewaamua wamasikini kwa haki, ataona utawala wake unaimarika milele.

¹⁵ Azabu na maonyo vinaleta hekima, lakini mutoto aliyeachiliwa anapatisha mama yake haya.

¹⁶ Waovu wakiongozeka, zambi zinaongezeka. Lakini wenye haki watashuhudia kuanguka kwao.

¹⁷ Umwazibu mwana wako naye hatakupa wasiwasi; yeye atafurahisha moyo wako.

¹⁸ Pasipo maono ya kinabii, watu wanashindwa kujizuiza. Heri mutu yule anayeshika sheria.

¹⁹ Mutumwa haonyeki kwa maneno matupu; maana ingawa anayaelewa, yeye hatayatii.

²⁰ Unamwona mutu anayesema bila kufikiri? Mutu mupumbafu ni afazali kuliko yeye.

²¹ Anayebembeleza mutumwa wake tangu utoto, kwa mwisho mutumwa yule atamurizi.

²² Mwenye kasirani anachochea ugomvi, mutu wa hasira anasababisha makosa mengi.

²³ Kiburi cha mutu kinamuzaraulisha mwenyewe, lakini munyenyekevu wa roho atapata heshima.

²⁴ Anayeshirikiana na mwizi anajizuru mwenyewe; anasikia laana ikitolewa bila kusema neno.

²⁵ Kuogopa watu ni kujitega mwenyewe, lakini anayemutumainia Yawe yuko salama.

²⁶ Wengi wanapenda kujipendekeza kwa mutawala, lakini mutu anapata haki yake kwa Yawe.

²⁷ Mwovu ni chukizo kwa mwenye haki, naye mwenye haki ni chukizo kwa mwovu.