Mezali 22 - BIBLIA Maandiko Matakatifu Kwa Watu Wote 2002

¹ Afazali kuwa na sifa nzuri kuliko mali mengi. Kupata kukubaliwa ni bora kuliko feza au zahabu.

² Watajiri na wamasikini wana hali hii moja: Yawe ni Muumba wao wote.

³ Mwenye akili anaona hatari na kujificha, lakini wajinga wanajitokeza mbele na kuumia.

⁴ Ukinyenyekea na kumwogopa Yawe, utapata zawadi ya fanaka, heshima, na uzima.

⁵ Njia ya waovu imejaa miiba na mitego; anayetaka kulinda maisha yake ataiepuka.

⁶ Umufundishe mutoto njia anayopaswa kufuata, naye hataiacha hata katika uzee.

⁷ Tajiri anamutawala masikini. Mwenye kukopesha ni mutumwa wa mwenye kukopeshwa.

⁸ Anayepanda ubaya atavuna hasara. Uwezo wake wa kutenda mabaya utavunjwa.

⁹ Mutu mwenye kuwa tayari kusaidia atabarikiwa, maana anagawanya chakula chake na masikini.

¹⁰ Umufukuze mwenye kiburi na fujo itatoweka, na ugomvi na matusi vitakoma.

¹¹ Mwenye nia safi na maneno mazuri atakuwa rafiki wa mufalme.

¹² Yawe analinda maarifa lakini anayavuruga maneno ya waovu.

¹³ Muvivu anasema: “Kuna simba inje. Nitauawa katika njia.”

¹⁴ Kinywa cha mwasherati ni shimo refu; anayechukiwa na Yawe atatumbukia ndani yake.

¹⁵ Ujinga umefungwa ndani ya moyo wa mutoto, lakini fimbo ya kufundisha itaufukuza mbali.

¹⁶ Anayemutesa masikini kwa kujitajirisha na anayewapa watajiri zawadi, wote wawili wataishia kuwa wamasikini.

Misemo ya wenye hekima

¹⁷ Tega sikio usikie maneno ya wenye hekima; elekeza moyo wako kwa maarifa yangu.

¹⁸ Wewe utafurahi kama utayaweka ndani ya moyo, na kuyarudiliarudilia kila wakati.

¹⁹ Ninayependa kumufundisha leo ni wewe, kusudi tumaini lako likuwe kwa Yawe.

²⁰ Nimekuandikia misemo makumi tatu, misemo ya maonyo na maarifa,

²¹ kwa kukufundisha mambo yanayokuwa sawa na kweli; na mutu akikuuliza upate kumupa jibu la kweli.

²² Usinyanganye masikini mali yake kwa sababu ni masikini, wala usimunyime mukosefu haki yake katika tribinali.

²³ Maana Yawe atawatetea; atagandamiza maisha ya wale wanaowagandamiza.

²⁴ Usifanye urafiki na mutu wa hasira, wala usiandamane na mwenye kukasirika upesi.

²⁵ Usijifunze mwenendo wake, na kujinasa kabisa katika mutego.

²⁶ Usikuwe mumoja wa wale ambao wanajitoa rehani kwa madeni ya wengine.

²⁷ Ikiwa hauna chochote cha kulipa, hata kitanda unacholalia kitanyanganywa!

²⁸ Usiondoe kitambulisho cha mupaka wa zamani, ambacho kiliwekwa na babu zako.

²⁹ Kuna mutu mwenye akili na maarifa ndani ya kazi? Yule atawatumikia wafalme; hatawatumikia watu wasiofaa.