Mezali 21 - BIBLIA Maandiko Matakatifu Kwa Watu Wote 2002

¹ Moyo wa mufalme ni kama maji yanayotiririka; Yawe anauongoza popote anapopenda.

² Matendo yote ya mutu ni sawa katika macho yake, lakini Yawe anapima mioyo.

³ Kutenda mambo ya haki na kufuata sheria ya Mungu kunamupendeza Yawe kuliko sadaka.

⁴ Macho ya kiburi na moyo wa majivuno vinaonyesha wazi zambi ya waovu.

⁵ Mipango ya mutu wa bidii inaleta mali kwa wingi, lakini kila mutu anayetenda kwa harakaharaka anapata umasikini.

⁶ Mali inayopatikana kwa udanganyifu ni muvuke unaopita na mutego wa kifo.

⁷ Ukali wa waovu utawaangamiza, maana wanakataa kutenda mambo ya haki.

⁸ Njia ya mutu mwenye kosa imepotoka, lakini mwenendo wa mwenye moyo safi ni sawa.

⁹ Afazali kuishi pembeni juu ya paa, kuliko kuishi ndani ya nyumba pamoja na mwanamuke mugomvi.

¹⁰ Mutu mwovu anatamani kutenda uovu; hata kwa jirani yake hana huruma.

¹¹ Mwenye kiburi anapoazibiwa, mujinga anapata hekima. Ukimufundisha mwenye hekima, unamupatia maarifa.

¹² Mwenye haki anajua yanayokuwa katika nyumba ya waovu: waovu wanaangushwa chini na kuangamia.

¹³ Anayekataa kusikia kilio cha masikini hatasikilizwa atakapolilia musaada.

¹⁴ Hasira inatulizwa kwa zawadi ya siri; kituliro kinachotolewa kwa uficho kinatuliza kasirani.

¹⁵ Haki ya sheria ikifuatwa, watu wema wanafurahi lakini watu waovu wanafazaika.

¹⁶ Anayetangatanga mbali na njia ya ufahamu, atajikuta ametua kati ya wafu.

¹⁷ Anayependa raha atakuwa masikini; anayefikiria tu kula na kunywa hatatajirika.

¹⁸ Mwovu atakuwa malipo kwa ukombozi wa wenye haki; nao wasiokuwa waaminifu kwa pahali pa watu wa usawa.

¹⁹ Afazali kuishi katika jangwa kuliko kukaa na mwanamuke mugomvi na muchokozi.

²⁰ Katika nyumba ya mwenye hekima kuna hazina za bei kali, lakini mupumbafu anaponda mali yake yote.

²¹ Anayetafuta haki na wema atapata uzima, haki, na heshima.

²² Mwenye hekima anaweza kuteka muji wa wenye nguvu na kukiporomosha kikingio wanachokitegemea.

²³ Anayechunga kinywa chake na ulimi wake, anajiepusha na matatizo.

²⁴ Mwenye kiburi na majivuno jina lake ni “Mazarau”; anatenda kwa kujivuna tu.

²⁵ Muvivu anakufa kwa kutokutimizwa kwa tamaa zake, maana mikono yake haitaki kufanya kazi.

²⁶ Muchana kutwa mwovu anatamani kupata kitu, lakini mwenye haki anatoa, tena bila mipaka.

²⁷ Sadaka ya mwovu ni kitu cha kuchukiza sana. Inachukiza zaidi akiitoa kwa nia mbaya.

²⁸ Mushuhuda mwongo ataangamia, lakini anayejua kusikiliza hawezi kunyamazishwa.

²⁹ Mutu mwovu anajionyesha kuwa hodari, lakini mutu wa usawa anafikiri vizuri juu ya mwenendo wake.

³⁰ Hakuna hekima, ufahamu, wala shauri yoyote ya mutu, itakayoweza kupingana na Yawe.

³¹ Farasi anatayarishwa kwa vita, lakini ushindi unaletwa na Yawe.