Mezali 19 - BIBLIA Maandiko Matakatifu Kwa Watu Wote 2002

¹ Afazali masikini mwenye mwenendo mukamilifu kuliko mutu mupotovu wa maneno na mupumbafu.

² Haifai mutu kuwa bila akili; mwenda harakaharaka anajikwaa.

³ Mutu akijiangamiza kwa upumbafu wake, anaielekeza hasira yake kwa Yawe.

⁴ Mali inavuta warafiki wengi wapya, lakini masikini anaachwa na rafiki yake.

⁵ Mushuhuda mwongo hatakosa kuazibiwa; anayesema uongo hataepuka azabu.

⁶ Watu wengi wanajipendekeza kwa wakubwa; kila mutu anataka kuwa rafiki wa mutu mwenye kupana.

⁷ Masikini anachukiwa na wandugu zake; warafiki zake ndio zaidi: wanamukimbia! Hata awabembeleze namna gani, hatawapata.

⁸ Anayejipatia hekima anapenda nafsi yake; anayeshika ufahamu atastawi.

⁹ Mushuhuda mwongo hatakosa kuazibiwa; anayesema uongo ataangamia.

¹⁰ Haifai kwa mupumbafu kuishi kwa raha; tena ni vibaya zaidi mutumwa kuwatawala wakubwa.

¹¹ Mwenye akili hakasiriki upesi; kusamehe makosa ni utukufu kwake.

¹² Kasirani ya mufalme ni kama ngurumo ya simba, lakini upendo wake ni kama umande juu ya majani.

¹³ Mutoto mupumbafu ni hasara kwa baba yake; na ugomvi wa muke ni kama matone ya mvua yasiyoisha.

¹⁴ Nyumba na mali ni urizi mutu anaopata kwa babu zake, lakini muke mwenye akili anatoka kwa Yawe.

¹⁵ Uvivu ni kama usingizi muzito; mutu muvivu atateseka kwa njaa.

¹⁶ Anayeshika amri analinda maisha yake; anayezarau agizo atakufa.

¹⁷ Anayemusaidia masikini anamukopesha Yawe; Yawe atamulipa kwa tendo lake jema.

¹⁸ Azibu mwana wako wakati kungali bado tumaini lakini usitafute kumwangamiza.

¹⁹ Mutu wa hasira kali anapaswa kupata azabu; ukimwachilia mara moja itakuomba kumwachilia tena.

²⁰ Sikiliza shauri na kupokea mafundisho, upate hekima ya kukufaa kwa siku zinazokuja.

²¹ Katika moyo wa mutu muna mipango mingi, lakini anachokusudia Yawe ndicho kitakachokamilika.

²² Kitu kinachotakiwa kwa mutu ni uaminifu; afazali mutu masikini kuliko mutu mwongo.

²³ Kumwogopa Yawe kunaongoza kwenye uzima; anayemwogopa anajaliwa pumziko la kutoshelea, wala hatapatwa na ubaya wowote.

²⁴ Muvivu anatia mukono wake katika sahani lakini hauinui mpaka kwenye midomo.

²⁵ Umwazibu mwenye kuzarau naye mujinga atapata akili; umwonye mwenye akili naye atapata maarifa.

²⁶ Anayemutesa baba yake na kumufukuza mama yake ni mutoto asiyefaa na mupotovu.

²⁷ Mwana wangu, ukiacha kusikiliza mafundisho, mara moja utapotea mbali na maneno ya maarifa.

²⁸ Mushuhuda asiyefaa kitu anazarau sheria ya Mungu; na kinywa cha mwovu kinameza uovu.

²⁹ Azabu iko tayari kwa wenye kuzarau, na mapigo kwa migongo ya wapumbafu.