Mezali 17 - BIBLIA Maandiko Matakatifu Kwa Watu Wote 2002

¹ Afazali kula mukate wenye kukauka kwa amani kuliko karamu katika nyumba ya ugomvi.

² Mutumwa mwenye hekima atatwaa nafasi ya mwana mupumbafu. Atapata sehemu ya urizi wa jamaa hiyo.

³ Zahabu na feza vinapimwa kwa moto, lakini Yawe ndiye anayepima mioyo ya watu.

⁴ Mutenda maovu anasikiliza maneno mabaya; mwongo anategea sikio ulimi mudanganyifu.

⁵ Anayechekelea masikini anamutukana Muumba wake; anayefurahia hasara hatakosa kuazibiwa.

⁶ Taji la sifa la wazee ni wajukuu wao. Heshima ya wana ni baba yao.

⁷ Maneno mazuri hayastahili katika kinywa cha mupumbafu, zaidi sana maneno ya uongo katika kinywa cha kiongozi!

⁸ Kwa anayetoa kituliro ni kama hirizi; kila kitu anachofanya yeye anafanikiwa.

⁹ Anayesamehe makosa anajenga urafiki, lakini anayekumbusha makosa anatenga warafiki.

¹⁰ Onyo kwa mwenye akili lina maana, kuliko mapigo mia moja kwa mupumbafu.

¹¹ Nia ya mutu mwovu ni kuasi tu; mujumbe mubaya atatumwa juu yake.

¹² Afazali kukutana na dubu dike aliyenyanganywa watoto wake, kuliko kukutana na mupumbafu katika upumbafu wake.

¹³ Mwenye kulipa mazuri kwa mabaya, mabaya hayataondoka katika nyumba yake.

¹⁴ Kuanzisha ugomvi ni kama kufungua maji ya kisima; achana na ugomvi mbele haujafurika.

¹⁵ Kumuhesabu mwovu kuwa na haki na kumwazibu asiyekuwa na kosa, yote mawili ni chukizo kwa Yawe.

¹⁶ Kwa nini mupumbafu kuwa na feza katika mukono kwa kununua hekima, wakati yeye mwenyewe hana akili?

¹⁷ Rafiki wa kweli ni rafiki siku zote. Ndugu anazaliwa kusudi asaidie wakati wa taabu.

¹⁸ Mutu asiyekuwa na akili anajitoa rehani kwa deni ya mutu mwingine.

¹⁹ Anayependa ugomvi anapenda zambi. Anayejivuna anajitafutia maangamizi.

²⁰ Mwenye moyo mupotovu hafanikiwi, na musema uongo anapatwa na hasara.

²¹ Mutoto mupumbafu ni huzuni kwa baba yake, na baba wa mupumbafu hana furaha.

²² Moyo wenye furaha ni dawa, lakini moyo wenye huzuni unakondesha mwili.

²³ Mutu mubaya anapokea kituliro kwa siri kusudi apate kupotosha haki.

²⁴ Hekima ni mbele ya uso wa mwenye akili, lakini macho ya mupumbafu yanaangalia kwa miisho ya dunia.

²⁵ Mutoto mupumbafu ni huzuni kwa baba yake, na uchungu kwa mama yake muzazi.

²⁶ Si vizuri kumwazibu mutu asiyekuwa na kosa; ni kosa kuwapiga fimbo wenye heshima.

²⁷ Asiyesema sana ana maarifa; mutu mutulivu ni mwenye ufahamu.

²⁸ Hata mupumbafu akinyamaza, anaonekana kuwa na hekima; akifunga kinywa chake anaonekana kuwa mwenye akili.