Mezali 14 - BIBLIA Maandiko Matakatifu Kwa Watu Wote 2002

¹ Mwanamuke mwenye hekima anajenga nyumba yake, lakini mupumbafu anaibomoa kwa mikono yake mwenyewe.

² Mwenye mwenendo sawa anamwogopa Yawe, lakini mupotovu anamuzarau Mungu.

³ Ndani ya kinywa cha mupumbafu kunatokea maneno ya kiburi, lakini mwenye hekima analindwa na maneno yake.

⁴ Bila ngombe wa kulima gala za mutu ni tupu. Mavuno mengi yanapatikana kwa nguvu ya ngombe wa kulima.

⁵ Mushuhuda mwaminifu hasemi uongo, lakini asiyeaminiwa anabubujika uongo.

⁶ Mwenye mazarau anatafuta hekima naye haipati, lakini mwenye akili anapata maarifa kwepesi.

⁷ Ondoka pahali mupumbafu anapokuwa, maana pale anapokuwa hakuna maneno ya hekima.

⁸ Hekima ya mwenye akili inamwonyesha njia yake, lakini upumbafu wa wapumbafu unawadanganya wenyewe.

⁹ Wapumbafu wanafurahia zambi, lakini watu wa usawa wanapata rehema kwa Mungu.

¹⁰ Moyo unajua uchungu wake wenyewe, wala mugeni hawezi kushiriki furaha yake.

¹¹ Nyumba ya mutu mwovu itabomolewa, lakini hema ya watu wa usawa itaimarishwa.

¹² Kuna njia inayozaniwa kuwa sawa, lakini kwa mwisho inaongoza kwenye kifo.

¹³ Huzuni inaweza kufichwa katika kicheko; nyuma ya furaha kunakuja huzuni.

¹⁴ Mutu mupotovu atavuna matunda ya mwenendo wake, naye mutu muzuri atapata malipo ya matendo yake.

¹⁵ Mujinga anaamini kila kitu anachoambiwa, lakini mwenye akili anachunguza hatua zake zote.

¹⁶ Mwenye hekima ni mwangalifu na anaepuka uovu, lakini mupumbafu hajizuizi wala hana uangalifu.

¹⁷ Mwenye kuwaka hasira haraka anatenda kipumbafu, lakini mwenye akili ana uvumilivu.

¹⁸ Wajinga wanarizi upumbafu, lakini wenye akili wanalipwa taji ya maarifa.

¹⁹ Waovu watapiga magoti mbele ya watu wazuri, watu wabaya kwenye mulango wa wenye haki.

²⁰ Masikini anachukiwa hata na jirani yake, lakini tajiri ana warafiki wengi.

²¹ Anayemuzarau jirani yake ni mwenye zambi, lakini ana heri yule anayekuwa mwema kwa masikini.

²² Anayepanga kutenda maovu kweli anakosa! Wanaopanga kutenda mazuri watapata mema na uaminifu.

²³ Bidii katika kila kazi inaleta faida, lakini maneno matupu yanaleta umasikini.

²⁴ Mali ni taji ya utukufu wa wenye hekima, lakini ujinga ni kitambaa cha wapumbafu.

²⁵ Mushuhuda wa kweli anaokoa maisha, lakini musema uongo ni mudanganyifu.

²⁶ Anayemwogopa Yawe ana tumaini imara, na watoto wake watapata kimbilio salama.

²⁷ Kumwogopa Yawe ni chemichemi ya uzima inayowezesha mutu kuepuka mitego ya kifo.

²⁸ Utukufu wa mufalme ni wingi wa watu wake, lakini bila watu mutawala anaangamia.

²⁹ Mutu asiyekuwa mwepesi wa hasira ana akili nyingi, lakini anayekasirika upesi anaongeza upumbafu.

³⁰ Amani ndani ya roho inamupa mutu afya, lakini wivu inaozesha mifupa.

³¹ Anayemutesa muzaifu anamutukana Muumba wake, lakini anayemwonea huruma mukosefu anamutukuza Mungu.

³² Mwovu anaangamizwa kwa matendo yake maovu, lakini mwenye haki atapata usalama kwa uaminifu wake.

³³ Hekima iko ndani ya moyo wa mutu mwenye akili, lakini haipatikani hata kidogo ndani ya moyo wa mupumbafu.

³⁴ Haki inainua taifa, lakini zambi ni haya kwa taifa lote.

³⁵ Mufalme anapendezwa na mutumishi anayetenda kwa hekima, lakini hasira yake inawapata wanaotenda mambo yasiyofaa.