Mezali 13 - BIBLIA Maandiko Matakatifu Kwa Watu Wote 2002

¹ Mutoto mwenye hekima anasikia maagizo ya baba yake, lakini mwenye kiburi hasikilizi maonyo.

² Mutu muzuri anapata uzuri kutokana na maneno yake, lakini mudanganyifu anaishi kwa kutesa kwa ukali.

³ Anayechunga kinywa chake analinda maisha yake, mwenye midomo mirefu anajiletea maangamizi.

⁴ Muvivu anatamani lakini hapati kitu chochote, wakati mwenye bidii anajaliwa kwa wingi.

⁵ Mwenye haki anachukia uongo, lakini mwovu anatenda kwa kupatisha haya na mazarau.

⁶ Haki inalinda wenye mwenendo sawa, lakini zambi inaangusha waovu.

⁷ Kuna mutu anayejidai kuwa tajiri, kumbe hana kitu. Mwengine anajiona kuwa masikini wakati ana mali tele.

⁸ Ukombozi wa uzima wa mutu ni mali yake, lakini masikini hana njia ya kujikomboa.

⁹ Mwenye haki anaangaa kama vile taa inayowaka vizuri, lakini waovu ni kama taa inayozimika.

¹⁰ Kiburi kinasababisha tu ugomvi, lakini kwa wanaokubali shauri jema kuna hekima.

¹¹ Mali ya harakaharaka inatoweka, lakini anayekusanya kidogokidogo ataiongeza.

¹² Tumaini la kungojangoja linaumiza moyo, lakini tazamio linalotimia ni musingi wa uzima.

¹³ Anayezarau mashauri anajiletea maangamizi, lakini anayetii amri atapewa zawadi.

¹⁴ Mafundisho ya wenye hekima ni chemichemi ya uzima; inamwezesha mutu kuepuka mitego ya kifo.

¹⁵ Kuwa na akili kunaleta ukubali, lakini njia ya waovu ni ya taabu.

¹⁶ Mwenye akili anatenda kila kitu kwa kufikiri, lakini mupumbafu anatembeza upumbafu wake.

¹⁷ Mujumbe mubaya anawatumbukiza watu katika taabu, lakini mujumbe mwaminifu analeta amani.

¹⁸ Umasikini na mazarau vinamupata yule asiyejali mafundisho, lakini mwenye kusikia maonyo anaheshimiwa.

¹⁹ Ni jambo la kufurahisha unapopata kile unachotaka, kwa hiyo wapumbafu wanachukia kuepuka uovu.

²⁰ Anayeandamana na wenye hekima anapata hekima, lakini anayejiunga na wapumbafu atapata hasara.

²¹ Wanaotenda zambi wanapatwa na hasara, lakini wenye haki wanafanikiwa.

²² Mutu muzuri anawaachia wazao wake urizi, lakini mali ya mwenye zambi imelundikiwa wenye haki.

²³ Shamba la masikini linatoa mazao mengi, lakini linanyanganywa juu ya wale wanaopotosha haki.

²⁴ Asiyemwazibu mutoto wake hamupendi; lakini anayemupenda mwana wake atamwazibu kwa wakati.

²⁵ Mwenye haki yuko na chakula cha kumutoshelea, lakini tumbo la waovu linataabika kwa njaa.