Mezali 10 - BIBLIA Maandiko Matakatifu Kwa Watu Wote 2002

Mezali za Solomono Mwanamuke mwasherati

¹ Hizi ni mezali za Solomono: Mutoto mwenye hekima ni furaha ya baba yake; lakini mutoto mupumbafu ni huzuni ya mama yake.

² Mali iliyopatikana kwa njia mbaya haifai, lakini haki inaokoa mutu kutoka kifo.

³ Yawe hawaachi wenye haki wapate njaa, lakini anapinga tamaa za waovu.

⁴ Uvivu unasababisha umasikini, lakini mukono wa mutu wa bidii unajitajirisha.

⁵ Mwenye akili anakusanya wakati wa mavuno. Kulala wakati wa kuvuna ni haya.

⁶ Mwenye haki anajiletea baraka yeye mwenyewe, lakini kinywa cha mwovu kimesongwa na mateso makali.

⁷ Mwenye haki anakumbukwa kwa baraka, lakini waovu watasahauliwa kabisa.

⁸ Mwenye hekima anakubali maonyo, lakini mupumbafu anayesemasema mingi ataangamia.

⁹ Anayeishi kwa ukamilifu anaishi salama, lakini anayepotosha maisha yake atagunduliwa.

¹⁰ Anayekonyeza macho kwa nia mbaya analeta taabu, lakini anayeonya waziwazi analeta amani.

¹¹ Kinywa cha mwenye haki ni chemichemi ya uzima, lakini kinywa cha mwovu kimesongwa na mateso makali.

¹² Chuki inaleta ugomvi, lakini upendo unafunika makosa yote.

¹³ Katika kinywa cha mwenye ufahamu kuna hekima, lakini wasiokuwa na akili watapigwa fimbo katika mugongo.

¹⁴ Wenye hekima wanalinda maarifa, lakini kusemasema kwa mupumbafu kunaleta maangamizi haraka.

¹⁵ Mali ya tajiri ndiyo kikingio chake. Umasikini wa masikini unamuletea maangamizi.

¹⁶ Mushahara wa mutu wa haki ni uzima, lakini mapato ya mwovu ni katika zambi.

¹⁷ Anayekubali kufundishwa anaelekea kwenye uzima, lakini anayekataa kuonywa amepotoka.

¹⁸ Anayemuchukia mwingine kwa siri ni munafiki. Anayemusingizia mutu ni mupumbafu.

¹⁹ Kwenye kuwa maneno mengi hakukosekani makosa, lakini aneyezuia ulimi wake ana akili.

²⁰ Maneno ya mwenye haki ni kama feza bora. Akili ya mutu mwovu haifai kwa kitu chochote.

²¹ Maneno ya mwenye haki yanawafalia watu wengi, lakini wapumbafu wanakufa kwa kukosa akili.

²² Baraka za Yawe ndizo zinazoleta utajiri. Juhudi za mutu haziongezi kitu.

²³ Kwa mupumbafu, kutenda maovu ni kama muchezo, lakini watu wenye akili wanafurahia hekima.

²⁴ Kitu mutu mwovu anachoogopa ndicho kitakachomupata, lakini kitu mwenye haki anachotamani ndicho atakachopewa.

²⁵ Upepo mukali unapopita na mwovu anatoweka, lakini mwenye haki anaimarishwa milele.

²⁶ Kama vile siki inavyokuwa kwa meno au moshi ndani ya macho, ndivyo muvivu anavyokuwa kwa bwana wake.

²⁷ Kumwogopa Yawe kunarefusha maisha, lakini miaka ya waovu itakuwa mifupi.

²⁸ Tumaini la mwenye haki linaleta furaha, lakini tazamio la mwovu linapotea bure.

²⁹ Yawe ni kimbilio la watu wenye mwenendo sawa, lakini ataangamiza watenda maovu.

³⁰ Wenye haki hawataondolewa katika inchi hata kidogo, lakini waovu hawatakaa katika inchi.

³¹ Kinywa cha mwenye haki kinatoa mambo ya hekima, lakini ulimi wa mutu mubaya utakatwa mbali.

³² Midomo ya wenye haki inajua mambo yatakayokubaliwa, lakini vinywa vya waovu vinasema tu maovu.