Ezekieli 19 - BIBLIA Maandiko Matakatifu Kwa Watu Wote 2002

Maombolezo

¹ Mungu aliniambia niimbe wimbo huu wa maombolezo juu ya wakubwa wa Waisraeli:

² Mama yenu alikuwa simba mwenye utukufu kati ya simba wengine. Alikaa kati ya simba wakali, akawalisha watoto wake.

³ Alimulea mutoto mumoja kati ya watoto wake, mutoto huyo naye akakuwa simba mukali. Akajifunza toka kwa mama yake kuwinda, akakuwa simba mukula watu.

⁴ Mataifa yakatangaza habari ya hatari juu yake, wakamunasa katika mutego wao, wakamupeleka juu ya ndoana mpaka Misri.

⁵ Mama yake alipoona kwamba amechoka kungoja, matumaini ya kumupata yakakwisha, akamutwaa mutoto wake mwingine, akamufanya simba mukali.

⁶ Huyo alipokuwa amekwisha kukomaa, akaanza kutembea pamoja na simba wengine. Naye vilevile akajifunza kuwinda, akakuwa simba mukula watu.

⁷ Alishambulia nyumba za watu na kuiharibu miji yao. Inchi pamoja na wakaaji wake viliogopa, kwa sauti ya kunguruma kwake.

⁸ Mataifa yakamushambulia kutoka pande zote, wakatandaza wavu wao juu yake, naye akanaswa katika mutego wao.

⁹ Kwa ndoana wakamutia katika kizimba chao, wakamupeleka kwa mufalme wa Babeli. Kule, wakamutia katika kifungo, kusudi ngurumo yake isisikilike tena juu ya milima ya Waisraeli.

¹⁰ Mama yako alikuwa kama muzabibu katika shamba, uliopandikizwa pembeni ya maji, ambao ulizaa sana kwa kuwa na maji mengi.

¹¹ Ulikuwa na matawi yenye nguvu, ambayo yalikuwa fimbo za kifalme. Muzabibu huo ulikomaa kupita miti mingine, watu walisifu ukubwa wa shina lake na wingi wa matawi yake.

¹² Lakini uliongolewa kwa hasira, ukatupwa chini juu ya udongo; upepo mukali wa mashariki ukaukausha, matunda yake yakaanguka; matawi yake yenye nguvu yalikauka, nao moto ukauteketeza.

¹³ Na sasa umepandikizwa katika jangwa, katika inchi yenye kukauka isiyokuwa na maji.

¹⁴ Lakini moto umetoka kwenye shina lake, ukayateketeza matawi na matunda yake. Matawi yake hayatakuwa na nguvu hata kidogo, wala hayatakuwa fimbo za kifalme. Huo umekuwa wimbo wa maombolezo; ndivyo unavyoimbwa siku zote.