MAROMU 16 - Ha`bari Ndjema ya I Maore

Masalamu

¹ Nisumuaminishani mwananyatru mutrumushe Foiɓati, alio musaidizi wa iDjama Ndziwaminifu ya Kenkereya,

² ile mumurenge ha lidzina la Raɓi, namuna ilio amba istahiki watwaharifu. Namumusaidiye hari mwa kula trongo ilio amba atsotsaha musada wanyu. Mana waye asaidi wengi, ata wami ne anisaidi.

³ Namusalimu Priskila na Akila walio v̄umoja na wami ha umurumishia Kristi-Insa.

⁴ Wahatwarisha inafusi yawo ha siɓaɓu ya wami. Tsi wami weke niwav̄osheleao marahaɓa, ɓadi piya ziDjama Ndziwaminifu za zinishani zangina wajau.

⁵ Namusalimu tsena iDjama Ndziwaminifu ingulidzanao ɗagoni hawo. Namumusalimu Aɓainitusa mwandzani wa roho wangu, alio wa handra umuamini Kristi hari mwa liɓavu la Aziya.

⁶ Namumusalimu Mariama, adzirumu ha kusudi ha faida yanyu.

⁷ Namuwasalimu Andronikusu na Yuniyusa walio hari mwa udjama wangu, na tsena waka wanyangu shiv̄ani. Wao ustehiwa ha kusudi hari mwa yaMav̄ingizi-Risala|Mav̄ingizi-Risala, amwesa wamuamini Kristi kaɓula ya wami.

⁸ Namumusalimu Ambiliyatu, mwandzani wa roho wangu ha Raɓi.

⁹ Namumusalimu Uruɓayinusa alio v̄umoja na wasi ha umurumishia Kristi, na Stahisa, mwandzani wa roho wangu.

¹⁰ Namumusalimu Aɓalus alio amba uaminifu wahe na Kristi udjereɓilwa, tsena udhiɓitishiha amba wa kweli. Namusalimu watru wa udjama wa Aristoɓulusu.

¹¹ Namumusalimu mudjama zangu Herodiyana. Namusalimu watru wa umuraɓa wa Narkisi walio hari mwa uv̄umoja na Raɓi.

¹² Namuwasalimu Trifina na Trifusa, watruwashe wadziruma hari mwa urumishi wa Raɓi. Namusalimu muv̄endzewa Ɓerisi, ɓweni adziruma ha kusudi ha umurumishia Raɓi.

¹³ Namumusalimu Rufusa alio amba atsahulwa hari mwa urumishi wa Raɓi, na mayahe alio wangu wajau.

¹⁴ Namunisalimiye Asinkirita, Filidjuna, Harmiusu, Ɓadruɓisa, Harmasi, na wananya wa shi uaminifu walio v̄umoja na wao.

¹⁵ Namuwasalimu Filulusa na Yuliyati, Niriyu na mwananyahe mutrumushe, tsena Ulumbasa, na piya watwaharifu walio v̄umoja na wao.

¹⁶ Namusalimiane ha uɓusuana shi watwaharifu. Piya ziDjama Ndziwaminifu za Kristi zisumusalimuni.

Mutahadharisho wa hwisa

¹⁷ Nisumutahadharishani wananyangu, mudzifahamishe na watria-mufaraka na wao wakwalisao watru ha kinyume na umusomo mwaupara. Namudziɓause na wao.

¹⁸ Mana watru mauri ɗe wao kawasumurumishia Raɓi watru Kristi, ɓadi ɗe zimimba zawo. Ha marongozi mema yendza sifa, wao udanganya ziroho za wao kawafikiri.

¹⁹ Yamuhusuni wanyu, utuĩvu wanyu ujulihwana na watru piya. Ɓasi nisufurahi ha siɓaɓu ya wanyu, ɓadi nisutsaha mukane hikima hari mwa yahusu indjema, muke warahafu hari mwa yahusu imbovu.

²⁰ Mungu av̄ao amani, tsi hale atsomuangamidza Shetwani maharoju hanyu. iNeema ya Raɓi watru Insa naike v̄umoja na wanyu.

²¹ Timutausu, munyangu wa ihazi, asumusalimuni, v̄umoja na wadjemazangu Lukiyusu, Yasuna, na Susiɓateri wasumusalimuni wajau.

²² Nisumusalimuni hari mwa uv̄umoja watru na Raɓi, wami Tertiyusu naangiha ɓarua lini.

²³ Djayusu, mukariɓisa wangu na wa iDjama Ndziwaminifu, asumusalimuni. Erastusa musika-mali wa liɗago, v̄umoja na umwananya Kawartu, wasumusalimuni. [

²⁴ iNeema ya Raɓi watru Insa-Kristi naike v̄umoja na wanyu piyanyu. Amina.]

Mungu weke Monyewe utukufu

²⁵ Natukuzihe uwo aliona ushindzi wa umuhodarishani, ha uɗunga iIndjili niijudzao yamuhusu Insa-Kristi, yalingana na izo zav̄enulwa zapatana na isiri yaka yasikwa rangu daima,

²⁶ ilio amba av̄asa ija iv̄enulwa, amwesa ijudziwa piya zinishani ha indzia ya yimiangishio ya yimitrume ha iãmuri ya Mungu wa daima, ile iwav̄inge hari mwa utuĩvu wa uaminifu,

²⁷ waye Mungu weke mwendza hikima natukuzihe ha Insa-Kristi daimani aɓada. Amina.