Suun 18 - Manji Yiljep

Pal Bǝrnǝn mBabilon

¹ Aɓwoon ɗese, ɓǝ nghan naa mee ngulepnaan npoo kǝ sham nɗǝǝn ɗengnaan. Ngulepnaan ɗesǝ wur kǝ iiko ɗeɗes zam. Mɓǝ peeɓang mǝ iiko wur nǝ ɓang yil nǝ kǝdǝng.

² Shi ɗoo ɗeɗes ɓe wur le or: <<Ɓal fi kǝ kyes! Ɓal fi kǝ kyes! Yil nBabilon ɗeɗes War kǝ ɗee a tulu riin ɗebish mo War ɗee a peetong mǝ koo a riin ɗebish ɗeɗangyii, War ɗee a peetong mǝ koo a mbǝ ɗerap, kǝ nyer ɗebish. Kǝ koo a luwa ɗeɗang ɗe nyakkap.

³ Mɓeeɗe gyet gurum nyil mo shini-shini, gyet mo shwaa a am anab mǝ ngaa ashak kǝ war. Mishkoom mǝ yil ɗǝsǝ mo gyet mo cin ngaa kǝ war Kǝ nennwer ɗe mǝ yil ɗesǝ mo, moo long a shi lǝɓet mbǝ bii kǝ kat war ɗe mǝ yil ɗese, ɗe nǝ met mǝ sat.>>

Kar Bǝ Dyeel Ɗe Nǝ Mbǝ Taa nBabilon

⁴ Ɗangɓe wen kǝlǝng mee ɗoo npoo ɗe nǝ put nɗǝǝn ɗengnaan, nǝ sat nǝnee, <

⁵ Mbǝɗǝ shikbish war nǝ mo kǝ ak kàa wul a ɗengnaan, Naan kǝ yee ɗakɗebish war mo.

⁶ Wu kwat war nciit kǝ mbii ɗǝ war kǝ cin wun, wu kwat war yitvǝl, mbǝ mbii ɗe gyet war kǝ cin mo nwun. Wu ɗoo mo yitvǝl, kaaɗe gyet war kǝ kam nwun ɗin ɗekwat war sǝ.

⁷ Wu yit kǝ kwat ɗe nǝ a mǝ kar kǝ jeel ɗe war lap nǝ, nǝ ɗee nciit-nciit kǝ ram kǝ long ɗe gyet war shin nkáa war, mɓeeɗe war nkaa ɗyeep kaa nnee

⁸ Mɓemǝnǝ ɓe, jeel war nǝ mo njì taa nkaa war ndi mman, mɓeeɗi a parpuus mǝndong, ɓe muut kǝ maap, kǝ neen, mo ntaa nkaa war. Ɗangɓe wus ncaan war, mbǝɗe Daa Naan ɗe wur ntokɗyeel nwar, wur kǝ iiko ɗes.

⁹ <

¹⁰ Mbee jeel ɗeɗes ɗe war shwaa nǝ. Ɓe kǝǝrmuut nyaa mo, mbǝ mo nɗar a jong-jong kǝ moo wal ɗǝ, kǝ mo nsat nǝnee, <>

¹¹ <

¹² Lée nwar ɗe mo a zinariya mo, kǝ mǝ azurfa mo, kǝ mǝ nghǝk ɗeret ɗe moo mǝlep nyilaknyilak, kǝ nlǝr ɗe rǝret mo shini-shini, kǝ nlǝr ɗe pan a naat mo, kǝ shiyeep ɗeret mo, kǝ mbii ɗe mo ɗak mo a shi oos nǝ mo, kǝ shiyeep ɗekǝrǝm mo, kǝ mbǝɗe mo ɗak mo a shi shool ɗeret mo, kǝ nghǝk ɗeret ɗe mǝ ɗyiklu mo,

¹³ kǝ bii ɗe kǝ toos shangshang, kaa sinamon, kǝ le shǝta, meer, kǝ frankisens, kǝ mwoor ɗe gurum kǝ caan, mbǝkǝ wur kǝlǝng toos ɗeshang nǝ ɗe sǝ, kǝ mǝ am anab, kǝ mǝ mwoor paat, kǝ mǝ áas ɗeret mo, mǝ alkama, kǝ mǝ randong mo, kǝ tǝm mo, kǝ mǝ bǝring mo, kǝ mǝ keke bǝring, kǝ gurum mo ɗi mo sǝrep mo kaa kǝrem mo sǝ>>

¹⁴ Nennwer nǝ mo nsat nwar nǝnee, <>

¹⁵ Nennwer ɗe mo seet kǝ mbii ɗesǝ mo, ɗe mo kat long pǝ war di, mo nɗar jong-jong, kǝ kǝǝrmuut fes yaa mo, mbǝ shwaajeel ɗe war nkaa shwaa nǝ mo nwal kǝ maap.

¹⁶ Har mo nfwo ruruu nǝnee, <

¹⁷ nƊǝǝn awa mǝndong ɓejee, ɓǝ long fii ɗeɗes sǝ mo ɗee a ɗebuu!> Jir nentung tii am mo, kǝ gurum ɗe moo ghǝr mo ntii nǝ mo, kǝ nen ɗe moo kat mbii teer mo mo a nɗǝǝn baahar mo, das ɗesǝ mo jir, mo nɗar jong-jong, kǝ war.

¹⁸ Katɗang mo nnaa ɗyeel mǝ caan war nǝ kàa, ɓe mo nfwo or shiɓal nǝnee,

¹⁹ Mo kok yil le nkaa káa mo mo, ashak kǝ wal, kǝ maap nǝnee, <

²⁰ Wii ɗengnaan, yi cin retnyit, mbǝ mbii ɗe nǝ kat yil ɗesǝ war. Wu cin retnyit, wun nen Naan mo, kǝ wun jeplep mo, kǝ nensatpwoo Naan mo, mɓeeɗe Naan wur canɗyeel nwar, mɓee mbii ɗe gyet war kǝcin mo nwun.>>

Kyes mBabilon

²¹ Ɗangɓe mee ngulep Naan ɗeɓal, wur mang mee nghǝk ɗeɗes kaa fin ɗyees ɗak sǝ, wur vwet nǝ nɗǝǝn am baahar, kǝ wur sat nǝnee, <

²² Baa mo mbaa kǝlǝng wal kǝ ndeng-ndeng, kǝ ɗoo nenkook mo, kǝ wal mɓel, kǝ wal nfeer mo nɗǝǝn wii Babilon kas. Baa mo nwaa kat mee ngucìn ɗak shi sar, mǝ koo a kaan ɗak ɗeɗangyi nɗǝǝn wa kas. Baa mo waa baa kǝlǝng wal nfin ɗyees ɗakmo nɗǝǝn wii kas.

²³ Baa mee wus ngyem nwaa baa ɓangpee ɗi nɗǝǝn wii kas. Baa mo waa baa kǝlǝng mee ɗoo mǝshpwoo kǝ matpoo nɗǝǝn wii kas. Gyet yam, ɓe nennwer fii nǝ mo, a nen ɗǝnan-nan mǝ yil nǝ mo. Gyet a shi mulgut mǝ soot fii, ɓe yii le gurum ɗe mo ndǝǝn yil nǝ mo jir, mo taa mer ar ɗi buu.

²⁴ Gyet a nɗǝǝn Babilon, ɓe mo kat toom nensatpwoo Naan mo, kǝ toom mǝ nen Naan mo, kǝ toom mǝ gurum ɗe gyet mo saa mo jir nɗǝǝn ɓǝm-yil nǝ.>>