Suun 17 - Manji Yiljep

Mat ngaa ɗeɗes kǝ luwayil sǝ

¹ Memee mɓut nenlep Naan ɗe pwoovǝl sǝ mo ɗe mo kǝ ɗaa mo pwoovǝl sǝ wur jì mpee nghan ɗǝ, ɓe wur sat nghan nǝnee, <

2 Mishkoom ɗe mǝ yil ɗesǝ mo cin ngaa ashak kǝ war, kǝ gurum ɗe nɗǝǝn yil ɗesǝ mo fes yuur kǝ am anab mǝ ngaa war nǝ.>>

³ Ɓe la lep Naan mang an seet kǝ nǝ ɓut Riin, sǝ dǝm a naaryil, a npee ɗe baa am ɗe kas. A naaryil nǝ, ɓe nghan naa mee mat kǝ tong nkaa mee luwayil ɗe nǝ a naat. Mo ran sǝm ɗebish mo, ɗe mo satpwoo ɗebuu nkaa Naan. Luwayil ɗesǝ nǝ kǝ káa mo pwoovǝl, kǝ soom mo kaapaat.

⁴ Mat nǝ war tap jwal a lée ɗe mo pan a naat mo ɗe mo ret naa zam, war kǝ tap ɗak mo a shi mbǝɗe mo ɗak mo a shi zinariya kǝ ngǝk ɗeapwus mo, kǝ mbii jwat ɗe rǝret mo, kaa mbǝɗe moo pet nǝ a peyal mo sǝ. Mat nǝ war kǝ mee ɗekwat nsar war, ɗe mo ɗak a shi zinariya, ɗe nǝ gam kǝ mbǝ ɗebish mo, ɗe mo a mǝ ar tong war ɗebish mǝ ngaa.

⁵ Sǝm ɗǝ Mo ran nkaa pǝkeen war nǝ a bii ɗe mo manshi nǝ kas. BABILON ƊEƊES, NƏƏN MAT nGAA MO, KƏ mBƏ ƊEBISH ƊE MO nƊƏƏN YIL NƏ JIR.

⁶ Wen naa mat nǝ war kǝ yuur shi toom nen Naan ɗe ɓang mo, Toom nen ɗe gyet mo shin langtǝng kǝ Jesu. Kaaɗe naa war, ɓe nǝ fes aapwoo nghan zam.

⁷ Ngulep Naan wur tal pǝ nghan nǝnee, <

8 Luwayil ɗe a naa sǝ, ɗǝ gyet yam ɓe nǝ di, mɓe yaksǝ, baa nǝ kuɗi kas, nǝn yool kàa put a nɗǝǝn tuun ɗe baa nii peeɗar kas sǝ, mbǝkǝ nǝ dǝm ɗe a npeeɗe mo ntu nǝ ɗe vit. Nen ɗe mo ndǝǝn yil ɗese, ɗe pǝgyet ɗe nshee kǝ yil nǝ, ɓe baa mo ran sǝm mo mo nɗǝǝn buthaal mǝ seen kas. Nin aapwoo mo mbǝ naa luwayil ɗesǝ nǝ, mbǝɗe gyet nǝ ɗi kǝ seen, mɓe nǝ kǝ muut, jir kǝsǝ, ɓe nǝ nwaa baaji put kǝ seen zak.

⁹ <<Ɗǝsǝ kǝ rǝɓet a pǝtuup ɗe kǝ seen manshi bii mo. Káa ɗe pwoovǝl nǝ mo, mo a zuul mo pwoovǝl, ɗe mat nǝ war tong nkaa mo sǝ.

¹⁰ Mo a mishkom mo pwoovǝl zak. Mo kǝ sham kǝ paat mo ndǝǝn mulki mo, mɓe mǝndong ɗe nkaa se mulki yaksǝ. Baa ɗevǝl nǝ kǝ jì wul kas, mɓe katɗang wur njì wul, ɓe wur nse mulki nǝ a mbǝ rep pee lee ɓejee ɗak.

¹¹ Luwayil ɗe ɗi nǝ ɗi, yaksǝ baa nǝ kuɗi kas, a nǝ a mishkoom ɗepwookun nǝ. Mɓe nǝ a nɗǝǝn soon mishkoom ɗe pwoovǝl sǝ mo. Ɓe nǝ nkaa dǝm a pee ɗe mo tǝkook kǝ nǝ.

¹² <

¹³ Mishkoom ɗekaapaat sǝ mo, pan mo nǝ mo a ɗemǝndong, mo ncin ɓal mo, kǝ iiko mo nluwayil ne.

¹⁴ Mo ncìn lek kǝ Laatǝm nǝ, mɓe Laatǝm nǝ wur nse koorong nkaa mo, mbǝɗe a wur a Daa ndaa mo, Mishkoom kǝ mishkoom mo, ashak kǝ wur, ɓe nen ɗe wur kǝ ten pǝrep, kǝ bǝlǝp mo, mo nse koorong zak.>>

¹⁵ Ɗangɓǝ ngulepnaan wur sat nghan nǝnee, <

¹⁶ Soom ɗe kaapaat ɗe a naa sǝ mo, kǝ luwayil nǝ, mo mɓǝ cii mat ngaa nǝ. Mo mbǝ tǝkook kǝ mbii ɗǝ war kǝ nǝ mo jir, mbǝ mo yit war ɗee ngum, mo nse luwa war, kǝ mo ncaan war shi wus.

¹⁷ A Naan wur kǝ ten le mǝnǝ nɗǝǝn pǝtuup mo, mbǝkǝ mo cin mbǝɗe nǝ gam ɗyen wur ɗǝ, kaaɗǝ mo ɓalkaa mo mo, mbǝkǝ mo shínɓal mo mo, mbǝ se mulki kǝ luwayil nǝ, mbe parɗi pwoonaan nǝ gam.

¹⁸ Mat ɗe nwaa a naa nǝ, a yil ɗeɗes ɗe nǝ kǝ cin mulki, nkaa mishkoom mǝ yil nǝ mo.>>