YEKIKITHI ATUGHIU 9 - Sumi Naga CL (Re-edited) Bible (BSI)

Akughu lono Ideighi Kemi

¹ Israel kümtsü laghaphi lo yekithipe qhi, tipaqo ye Israel kükami Kaku lo yepüani. Judah lo küami küghape Babylon lo akughushi sawuve keu ye pano shoqhi kubove ke ghengunoe.

² Tithiu panongu dolo atüghüu shi idewo pano yeghi lo ngolu keu ye Israel lo küami, achinemi, Levimi, achineki lo hukuthumi ke.

³ Judah lagha lo khami, eno Benjamin, Ephraim ngo Manasseh lagha hipaqo no Jerusalem lo ngoluve:

⁴ Judah nu Perez kughuko lo Uthai, Ammihud nu, Omri nu, Imri nu, eno Bani nu.

⁵ Shela kughuko lo anoghiu Asaiah eno pa nuli,

⁶ Zerah kughuko: Jeuel eno pa kibolomi 690.

⁷ Benjamin lagha lono: Sallu Meshullam nu, Hodaviah nu, Hassenuah nu.

⁸ Ibneiah, Jeroham nu, Elah Uzzi nu, Mikhri nu, eno Meshullam Shephatiah nu, Reuel nu, Ibnijah nu;

⁹ hipaqo no Benjamin lagha lo akibo kiqi lono atomi pano 956.

¹⁰ Achinemi lagha lono hipaqo: Jedaiah, Jehoiarib, eno Jachin,

¹¹ Azariah, Hilkiah nu, Meshullam nu, Zadok nu, Meraioth nu, eno Alhou kilo hiyampetou Ahitub nu;

¹² Adaiah, Jeroham nu, Pashhur nu, Malkhijah nu; Maasai, Adiel nu, Jahzerah nu, Meshullam nu, Meshillemith nu, eno Immer nu;

¹³ pütüta kibo lo atomi gholo Alhou kilo kütshakügha kümlami pano lagha lo 1,760 ae.

¹⁴ Levimi laghami: Shemaiah Hashub nu, Azrikam nu, eno Hashabiah nu; Merari laghami:

¹⁵ Bakbakkar, Heresh, Galal, eno Mattaniah Mica nu, Zikhri nu, Asaph nu;

¹⁶ Obadiah, Shemaiah nu, Galal nu, Jeduthun nu, eno Asa nu Berekhiah, Netophahmi phuqo lo achekeu Elkanah nu.

¹⁷ Khagho khemi: Shallum, Akkub, Talmon, Ahiman, eno pano kibolomi (Shallum no atou),

¹⁸ hi kutolo panongu ye kipelau Akükau khagho, ti ye Achineki kipelau Levimi ghazü lo khagho akeu, lo kheche.

¹⁹ Shallum, Kore nu, Ebiasaph nu, Korah nu, eno pa kibolomi gholo süküqha no pano puasü no Ampeu ghazü lo ampeu shi kheche ketoi Aphiki kulaghi khemi shi.

²⁰ Phinehas, Eleazar nu no wovekeu lo tile atou shiche; eno Ampeu no pa gholo ache.

²¹ Zechariah, Meshelemiah nu ghi kuposhukulu phiki kulaghi kheu shi.

²² Hi kümtsü küqha kelo pano 212 kishepe khagho kulaghi khemi shivepe. Laghaphi lo aphu kiqi lono aje süke, eno Akükau David ngo tungkupu Samuel pama no akümlapu lo panongu süküsü shive.

²³ Ikehu pano laghami pesü Ampeu Phiki kulaghi khemi shi penike pichetsü.

²⁴ Khagho khemi ye ako bidi kümtsü lo ache, kipelau eno kulolau ngo ahuu eno apeu ishi.

²⁵ Pano kibolomi aphu lo akeqo ye atsala tsüni-ni lo ighi no ghulukile nike kughutsü.

²⁶ Levi lagha lo aghukhetomi pano bidi ye Alhou kilo akungo-a eno tinhemghaqo shou ghi ampemi shipe.

²⁷ Panongu ye Alhou ki kümxa lo ache, kughengu tipau jukuto kheni keu, eno inaqhe atsütsü ti khaqhini keu makho ye pano shou betsü kehue.

²⁸ Khami ye akümlla lo ana-kulholiqo jukütsü, kughengu tipaqo peipe-iloke kümtsü lo kihikülai cheke.

²⁹ Khami no alakhü, akimthe khu-ajukhu, ashomkhu, atsaiji, olive thazü, axokütsüngü kipti ta jeliqo jukütsü.

³⁰ Kütami achinemi nuliqo no akipti ta jeli xukütshü tsüche.

³¹ Levimi gholo Mattithiah, Korah laghami Shallum nu anoghiu, no akibesho mlani keu shi.

³² Itaghi Kohath lagha lo khami no Sabbath tsalani akümlla-khache lo qhikepu sho kümla lo ampi shiche.

³³ Levi lagha lo atomi khami alephemi akeqo ye kütau kümla kiumu shimono achineki lo ngoche, kughengu panongu ye putho pucho tilehi pano kümlapu acheke.

³⁴ Hi aje pive keqo kümtsü Levi lagha lo atomi, pano laghaphi lo aghikeu kiqilo sakiphemi, Jerusalem lo xüighi kemi.

Saul Puasü Kughuko

³⁵ Jeiel no Gibeon phughi shiqhelu no tile ngove, pa nipu je no Maacah.

³⁶ Pa nu anoghiu no Abdon, pa shelo Zur, Kish, Baal, Ner, Nadab,

³⁷ Gedor, Ahio, Zechariah eno Mikloth;

³⁸ Mikloth ye Shimeam papu; panongu ye Jerusalem lo pano lagha eno abolomi sükümxa lo ngoche.

³⁹ Ner no Kish papu eno Kish no Saul papu. Saul no anu bidi shi: Jonathan, Malkhi-shua, Abinadab eno Eshbaal.

⁴⁰ Jonathan nu Merib-baal, eno Merib-baal nu no Micah.

⁴¹ Micah nuliqo: Pithon, Melekh, Tahrea, eno Ahaz.

⁴² Ahaz nu Jarah, Jarah no anu küthü shi: Alemeth, Azmaveth, eno Zimri. Zimri nu Moza,

⁴³ Moza nu Binea, Binea nu Rephaiah, Rephaiah nu Eleasah, Eleasah nu Azel.

⁴⁴ Azel no anu tsügho shi: Azrikam, Bokheru, Ishmael, Sheariah, Obadiah, eno Hanan.