YEKIKITHI ATUGHIU 4 - Sumi Naga CL (Re-edited) Bible (BSI)

Judah Polo Kughukomi

¹ Judah kughukomi: Perez, Hezron, Carmi, Hur eno Shobal.

² Shobal nu Reaiah, pa nu Jahath, eno pa nu Ahumai ngo Lahad. Hipaqo ye Zorah laghaqo ke.

³ Etam nuli no hipaqo: Jezreel, Ishma, eno Idbash; eno panongu chepu je no Hazzelelponi,

⁴ Penuel nu Gedor, eno Ezer nu no Hushah. Hipaqo no Bethlehem yepeu Ephrathah nu anoghiu Hur nuliqo.

⁵ Tekoa papu Asshur ye anipu kini ache, Helah ngo Naarah;

⁶ Naarah no anu bidi shi: Ahuzzam, Hepher, Temeni, eno Haahashtari.

⁷ Helah nuli pano küthü: Zereth, Izhar, eno Ethnan.

⁸ Koz nuli no Anub, Zobebah, eno Harum nu Aharhel laghami.

⁹ Jabez ye pa thiküzümi nguno alau gihuküzüpu shi xüche; paza no ishi pi ghi pa je Jabez kutsü, “Kughengu I no aghimeshi pa punue.”

¹⁰ Jabez no Israel Lhou lau ighamku pi, “O pelo I kümghatsü no I lughi pekhotsü, O u no alhoksa lono I süsho no I sache penishi, tishianguno aghime I lau ighi pemo niye ke.” Ikelo pa no kiu khu keno Alhou no pulotsüe.

¹¹ Shuhah thiküzüu Khelub no anu lakhi Mehir ithulu, Mehir nu Eshton.

¹² Eshton nuli küthü: Beth-rapha, Paseah, eno Ir-nahash lo yepeu Tehinnah. Hipaqo ye Recah lo kungomi.

¹³ Kenaz nuli: Othniel ngo Seraiah; Othniel nuli: Hathath ngo Meonothai.

¹⁴ Meonothai nu no Ophrah; Seraiah nu no Ge-harashim yepeu Joab, Ge-harashim ipi kutsü keu ye tile küamiqo ye kütshakügha kümlami kehue.

¹⁵ Jephunneh nu Caleb no anu küthü shi: Iru, Elah eno Naam; Elah nu no Kenaz.

¹⁶ Jehallelel nuli: Ziph, Ziphah, Tiria eno Asarel.

¹⁷ Ezrah nuliqo: Jether, Mered, Epher eno Jalon. Mered no Pharaoh nga Bithiah sasü akibo shino anuli hipaqo ithulu, Miriam, Shammai eno Ishbah, Ishbah ye Eshtemoa yepeu.

¹⁸ Mered nipu Judah laghami huno anuli küthü shi: Gedor yepeu Jered, Soco yepeu Heber, Zanoah yepeu Jekuthiel.

¹⁹ Hodiah nipu, Naham chepu nuli kughuko no Keilah lo Garmi eno Eshtemoa lo Maacath lagha shi xüuve.

²⁰ Shimon nuliqo: Amnon, Rinnah, Ben-hanan eno Tilon. Ishi nuliqo: Zoheth ngo Ben-zoheth.

²¹ Judah nu Shelah ti-anuliqo: Lecah lo kungou Er, Mareshah lo kungou Laadah, eno Beth-ashbea lo phepheike phi kughomi laghaqo;

²² Jokim, eno Cozebami, Joash, eno Saraph khuu no Moab lo ayepe cheno Lehem lo ideighive keno (itehi yekikithi hipaqo ye ighono aqa shivae).

²³ Hipaqo ye ayeghi li kümlami Netaim ngo Gederah lo xüsüve no akükau kümlapu lo acheke.

Simeon Polo Kughukomi

²⁴ Simeon nuliqo: Nemuel, Jamin, Jarib, Zerah, Shaul;

²⁵ Shaul nu Shallum, pa nu Mibsam, pa nu Mishma.

²⁶ Mishma polo kughuko: Hammuel, Zaccur, eno Shimei.

²⁷ Shimei ye anu chighitsügho eno anga tsügho shi; ikemu pa thiküzümi ye anuli kutomo shimlave, tike kumono pano limi ye Judah laghami toi küghüsü ikowo mlave.

²⁸ Panongu ye Beersheba, Moladah, Hazar-shual,

²⁹ Bilhah, Ezem, Tolad,

³⁰ Bethuel, Hormah, Ziklag,

³¹ Beth-marcaboth, Hazar-susim, Beth-biri, eno Shaaraim lo ache. David no ayepe lumoke kutolo hipaqo no panow mishighüna shiche.

³² Eno Etam, Ain, Rimmon, Tochen, eno Ashan, hipaqo no pano phu shiche,

³³ mishighüna sükümxa qhalo aphu akeqo kümtsü kulola apeu Baal kutolo pano lagha kughukow ke, eno pano kughuko ghili kümtsü yekithipe qhiche.

³⁴ Meshobab, Jamlekh, Amaziah nu Joshah,

³⁵ Joel, Jehu Joshibiah nu, Seraiah nu, Asiel nu,

³⁶ Elioenai, Jaakobah, Jeshohaiah, Asaiah, Adiel, Jesimiel, Benaiah,

³⁷ Ziza Shiphi nu, Allon nu, Jedaiah nu, Shimri nu, Shemaiah nu—

³⁸ Hipaqo no pano lagha lo sakiphemi shiche, eno pano limi ye shishe kije shi ikowo kitheve.

³⁹ Panongu no kulolau Gedor lughi kutolo küghüna wuve, kipelau akhila kutolo atsü-aqu chuqupu phusü wuve,

⁴⁰ tilau panongu no kinikülü, achu kümza-a yeghi kivi, iqünhei eno alokughuno-a phulu, kughengu tile küghüna ighi kemi ye Ham laghami ke.

⁴¹ Judah Kükau Hezekiah no kache kelono kunguu aje yepüa keqo no ighi no tile Meunimi aghi kemi phikiqo kütsave tsü, eno ishi kutolo mu titoi hapheni keu shi amichi shikhave, kughengu tilehi pano mishi eno ambe lojini keu tsüni kupukuno shi ache kehue.

⁴² Simeon laghami dolo pano aqhe pungua ye Ishi nuli Pelatiah, Neariah, Rephaiah, eno Uzziel, noqow sakiphe qholono kipelau Seir Naghuto lo wuve.

⁴³ Panongu no Amalekmi khunoqo itshüsü pove no ghülu keno, tilau aghi keqo theqhive, eno ishi kutolo panongu ye tile xü achephi.