YEKIKITHI ATUGHIU 27 - Sumi Naga CL (Re-edited) Bible (BSI)

Ghüshimi Kikije

¹ Israelmi kikihi, pütüta li eno alagha tomi, qhethonhe eno aqhe shou zatsümi, eno hiyampemi khunoqo no akümla kikije lo akükau kuphu ghi ampe lo aqhi atsütsü ighiju wuveju ache keno, hipau kiqi lono amqo kikije lakhikhi lo timi qhethonhe muku bidi aghi.

^2-3 Perez laghami eno zatsümi kümtsü shou atou Zabdiel nu Jashobeam no amqo atüghüu shou atou shino aqhi atüghüu lo mlalu, pa mqo lo timi qhethonhe muku bidi.

⁴ Ahohimi Dodai no akiniu mqo lo atou, aqhi akiniu, timi qhethonhe muku bidi.

⁵ Aküthüu mqo, achinetou Jehoiada nu Benaiah, aqhi aküthüu.

⁶ Benaiah hipau ye aghükivimi shighi gholo lakhi eno sakipheu ghi ke; pa nu Ammizabad no pa mqo lo zatsüu shi.

⁷ Joab thiküzüu Asahel no abidiu mqo, pa nu Zebadiah no pa shelo atou.

⁸ Izra laghami Shamhuth no apunguu.

⁹ Akütsüghou no Tekoami Ikkesh nu Ira.

¹⁰ Akütsüniu no Pelonmi Ephraim lagha lo Helez.

¹¹ Akütacheu no Hushah lo küami Zerah lagha lo Sibbecai.

¹² Atokuu no Anathoth lo küami Benjamin laghami Abiezer.

¹³ Achighiu no Netophah lo küami Zerah lagha lo Maharai.

¹⁴ Chighiaqhaqhiu no Pirathon lo küami Ephraim lagha lo Benaiah.

¹⁵ Chighiakiniu no Netophah lo küami Othniel lagha lo Heldai.

Alagha lo Sakiphemi

¹⁶ Israel shiaye lo sakiphemiqo, Reuben lo Zikhri nu Eliezer no atou; Simeon lono Maacah nu Shephatiah;

¹⁷ Levi lono Kemuel nu Hashabiah; Aaron lono Zadok;

¹⁸ Judah lono Elihu, David thiküzümi gholo lakhi; Issachar lono Michael nu Omri;

¹⁹ Zebulun lono Obadiah nu Ishmaiah; Naphtali lono Azriel nu Jeremoth;

²⁰ Ephraim lono Azaziah nu Hoshea; Kulolau Manasseh lono Pedaiah nu Joel;

²¹ Kipelau Manasseh lono Zechariah nu Iddo; Benjamin lono Abner nu Jaasiel;

²² Dan lono Jeroham nu Azarel. Hipaqo no Israel shiaye lo sakiphemiqo.

²³ David no apunu mpe muku qhou ye kihi move, kughengu Ampeu no Israelmi pesü atsütsü lo ayepuqo jehi shitsünie pi piqhi püake.

²⁴ Zeruiah nu Joab no timiqo kihi thuve kemu kishekha mlave. Ikeghi hi ghenguno Israelmi shou aloghu ikughive kehu akikihi hipau ye akükau David yekikithi lo sümove.

²⁵ Akükau kinibo shou ampi shipenike Adiel nu Azmaveth pichebe; eno akuaqha, mishighüna, aphu ngo aqogheqo shou no Uzziah nu Jonathan no ampi shi;

²⁶ aluza lo ayeghi hokide mlache kemi shou no Khelub nu Ezri;

²⁷ atsailu kümlami shou no Ramahmi Shimei; atsaiji kütsüghümi shou no Shephmi Zabdi.

²⁸ Shephelah lo olive ngo tüküthi süboqo shou no Gedermi Baal-hanan; eno olive thazü shou no Joash.

²⁹ Sharon tsüni kümtsha-a lo atsüaqu shou no Sharonmi Shitrai; akhila lo mishiqo shou no Adlai nu Shaphat.

³⁰ Sayeshiqo shou no Ishmaelmi Obil; khurhaqo shou no Meronothmi Jehdeiah. Ambe ngo ane shou no Hagritmi Jaziz.

³¹ Hi kümtsü David nhemgha jukükütsümi ke.

³² David papu thiküzümi timi lapiyeu, vethakulumi eno ithishe kemi Jonathan ipikeu ache. Pa ngo Hakhmoni nu Jehiel pama no akükau nuliqo qoputhu tsü.

³³ Ahithophel no akükauw lapiyeu shi, Arkhimi Hushai no akükau sasü apukhune lakhi shi.

³⁴ Tithiu Benaiah nu Jehoiada, eno Abiathar no Ahithophel thisü luve. Joab no akükauw ghüshimi zatsüu shive.