YEKIKITHI ATUGHIU 26 - Sumi Naga CL (Re-edited) Bible (BSI)

Khagho khemi Kikije

¹ Achineki lo khagho khemi ghenguno akümla hitoi kijetsü: Korah lagha lo Kore nu Meshelemiah, Asaph laghami.

² Meshelemiah nuliqo: anoghiu no Zechariah, pa shelo Jediael, Zebadiah, Jathniel,

³ Elam, Jehohanan, eno Eliehoenai.

^4-5 Alhou no anuli pano tache pesü Obed-edom kümghatsü: anoghiu no Shemaiah, pa shelo Jehozabad, Joah, Sakhar, Nethanel, Ammiel, Issachar eno Peullethai.

^6-7 Pa nu anoghiu Shemaiah ghi anu tsügho ithulu: Othni, Rephael, Obed, Elzabad, Elihu eno Semakhiah.

⁸ Obed-edom kibo lono ikowo kemi kümtsü kelo akümlapu lo iloküzümi pano 62 shive.

⁹ Meshelemiah kibo lo ghi kümtsü kelo phuithai shitsami pano 18 ipeghi.

¹⁰ Merari lagha lo Hosah nuliqo: atou Shimri (pa ye anoghiu kumo kemu papu no pa pesü atou shitsü),

¹¹ Hilkiah no akiniu, Tebaliah no aküthüu, eno Zechariah no abidiu. Hosah kibo lono aqolo pano 13 ipeghi.

¹² Khagho khemi ghi pano thiküzümi Levimi toi Ampeu kilo hukuthu kümlapu ghenguno pütüta kibo kiqi lono hitoi kijeve.

¹³ Eno kije-kitila shimono aphiphi shi akibo kiqi lono khagho khenike asaqhi.

¹⁴ Ikelo Shelemiah no kipelau khagho ipeghi. Pa nu Zechariah, timi lapiyeu saqhi kelo ahuu khagho ipeghi.

¹⁵ Obed-edom no apeu eno pa nuliqo no anhemgha kiqhi cheboqo khepeni keu shive.

¹⁶ Shuppim ngo Hosah pama no kulolau, ti ye Shallekheth khagho lo ahuu iqhove chekeu la lo ithulu. Akhemi kümtsü no aphiphishi kihitha tsükeu do kivetsüghü ikhilue.

¹⁷ Levimi tsüghogho no tsalakipetsü kipelau khagho khe, bididi no ahuu ngo apeu, itaghi kinini no anhemgha kiqhi cheboqo khe,

¹⁸ eno kulolau kikhala lo bidino alaghi lo eno kinino akikhala lo ngope.

¹⁹ Korah ngo Merari lagha lo khagho khemi ghenguno hitoi akümla kijevetsü.

Akini Hekükütsümi eno Hiyampemi

²⁰ Itaghi Levi lagha lo Ahijah no Alhou kilo akini eno akümllagho thimeqo hekükütsüu shi,

²¹ Gershon lagha lo Ladan limi khunoqo pesü Gershon kughukomi ipiche keno, tipaqo gholo atou je no Jehieli.

²² Jehieli nu Zetham ngo Joel pama ghi Ampeu kilo akinibo jukütsüpe.

²³ Amram lagha lo Izhar, Hebron, ngo Uzziel limi

²⁴ eno Moses lagha lo Gershom nu Shebuel no akini hekükütsüu shi.

²⁵ Gershom thiküzüu Eliezer nu Rehabiah, Rehabiah nu Jeshaiah, Jeshaiah nu Joram, Joram nu Zikhri, Zikhri nu Shelomoth.

²⁶ Akükau David eno ali tomi ngo hiyampemi sakiphemi eno ghüshimi kijemi no akümllagho thimeqo pesü Alhou tsüvekeu kümtsü shou Shelomoth hipau ngo pa kibolomi no jukütsüuve.

²⁷ Aghükishi lono hakholu keu thimeqo pesü panongu no Ampeu kilo peitha nike akümllagho shi ikhiphe tsü.

²⁸ Tinguno alau tungkupu Samuel, Kish nu Saul, Ner nu Abner, eno Zeruiah nu Joab noqo no tsükeu kümllagho kümtsü Shelomoth ngo pa kibolomiw jukükütsü qholo qhivetsü.

²⁹ Izhar laghami dolo Khenaniah ngo pa nuliqo pesü achineki kümlapu nguno khalau Israelmi ghenguno atomi shino aküküpna jeli xathatsü penike süküsü shi.

³⁰ Hebron lagha dolo Hashabiah ngo pa kibolomi shitsami pano 1,700 no Ampeu kümla ghenguno eno akükau zakütsü papeni ke Jordan kulolau jukükütsümi shivepe.

³¹ Hebron laghami dolo khuno khuno limi shi aghimu tipaqo shou Jerijah no atou shivepe. (David yepe mpe lhoabidiu lono Hebron lagha lo phuithai ighono shitsami phuju kelo panoqo ye Gilead lo Jazer lo acheghi).

³² Akükau David no Jerijah ngo pa limi shitsami 2,700 pesü Reubenmi, Gadmi, eno kipelau Manassehmi shou ampi shino Alhou kümla lona akükau vehulo namu jukütsü penike süküsü shive.