YEKIKITHI ATUGHIU 25 - Sumi Naga CL (Re-edited) Bible (BSI)

Alephemi Kümla Kughutsü

¹ Itaghi David ngo achine kümla lo atomi no Asaph, Heman, eno Jeduthun nuli, khunoqo no küghaküsü lebo, aheo, eno küghapayi küigha Alhou tsa kütüghü chekeno, panoqo kishe kütüta shipe qhi. Panongu je hitoi yekütsü:

² Asaph lagha lono Zaccur, Joseph, Nethaniah, eno Asharelah. Hipaqo no Asaph eno akükauw mijekütsü vecheo ale lono Alhou tsape shiche.

³ Jeduthun lagha lono Gedaliah, Zeri, Jeshaiah, Shimei, Hashabiah, eno Matithiah. Panongu papu Jeduthun mijekütsü kiqi lono panongu no küghaküsü lebo pesü Ampeu shikimthi eno sheqhe cheke.

⁴ Heman lagha lono Bukkiah, Mattaniah, Uzziel, Shebuel eno Jerimoth, Hananiah, Hanani, Eliathah, Giddalti eno Romamti-ezer, Joshbekashah, Mallothi, Hothir eno Mahazioth.

⁵ Hi kümtsü akükauw tungkupu Heman nuliqo, Alhou no anu 14 eno anga 3 pesü Heman tsükeu ye Pa shoqhi kiqi lono panongu pelo Pa je sheqhe apeniye ke.

⁶ Panongu kümtsü no apu mijekütsü qholono Ampeu kilo küghapayi, aheo, eno küghaküsü lebo pesü ale pheche. Asaph, Jeduthun, eno Heman ye akükau zakütsü qholo ache.

⁷ Timi hipaqo gholo itaghi pano thiküzümi khunoqo no Alhou kishele lo qokiphe luve keno, alekiphe gho akemi kümtsü kelo pano 288 shive.

⁸ Eno kümtsü no kichimi-itimi, shikükami-kiphimi shimono pütüta müzülo akümlapu lunike asaqhi thuve.

⁹ Alagha lakhi lo timi 12 no amqo lakhi shino kije kelo pano 288 pesü amqo 24 lo hitoi kijesülu: atüghüu no Asaph lono Joseph kuto pano 12;

¹⁰ akiniu no Gedaliah mqo pano 12;

¹¹ aküthüu no Zaccur mqo pano 12;

¹² abidiu no Izri mqo pano 12;

¹³ apunguu no Nethaniah mqo pano 12;

¹⁴ akütsüghou no Bukkiah mqo pano 12;

¹⁵ akütsüniu no Asharelah mqo pano 12;

¹⁶ akütacheu no Jeshaiah mqo pano 12;

¹⁷ atokuu no Mattaniah mqo pano 12;

¹⁸ achighiu no Shimei mqo pano 12;

¹⁹ chighiaqhaqhiu no Azarel mqo pano 12;

²⁰ chighiakiniu no Hashabiah mqo pano 12;

²¹ chighiaküthüu no Shubael mqo pano 12;

²² chighiabidiu no Mattithiah mqo pano 12;

²³ chighiapunguu no Jerimoth mqo pano 12;

²⁴ chighiakütsüghou no Hananiah mqo pano 12;

²⁵ chighiakütsüniu no Joshbekashah mqo pano 12;

²⁶ chighiakütacheu no Hanani mqo pano 12;

²⁷ chighiatokuu no Mallothi mqo pano 12;

²⁸ amkuu no Eliathah mqo pano 12;

²⁹ muku aqhaqhiu no Hothir mqo pano 12;

³⁰ muku akiniu no Giddalti mqo pano 12;

³¹ muku aküthüu no Mahazioth mqo pano 12; eno muku abidiu no Romamti-ezer mqo pano 12.