NEHEMIA 3 - Sumi Naga CL (Re-edited) Bible (BSI)

Akupuwu Mlakithe

¹ Tishino achinetou Eliashib ngo pa thiküzümi achinemi no ithu Ambe Khagho mlave eno peitha nike ikhiphe tsüno tipa hukikhaqo kutope qhitsü. Panongu no Aqhe Qogheki kutolo eno Hananel Qogheki kutolo kishekimthe tsüe.

² Pa shelo Jerichomi no Akha Khagho shiqhe tsü. Eno pano shelo Imri nu Zaccur no shiqhe tsü.

³ Hassenaah nuli no Akha Khagho shiqhe kithe. Panongu no piphi boqhasü qhave no ahukikhaqo ngo tipau vüdayi eno akhaduqo mlasüve.

⁴ Pano shelo Hakkoz nu Uriah nu Meremoth no mla kithe. Tipa shelo Meshezabel nu Berekhiah nu Meshullam no mla kithe. Panongu shelo no Bana nu Zadok no mla kitheve.

⁵ Pano shelo no Tekoami no mla kithe, ikemu panow atomi ye Ampeu huthu nike itsaqimoe.

⁶ Paseah nu Joiada ngo Besodeiah nu Meshullam pama no Yeshanah Khagho mla kitheve. Panongu no piphi boqhasü qha no ahukikhaqo eno tipau vüdayi ngo akhaduqo mlasüve.

⁷ Panongu shelo no Gibeonmi Melatiah ngo Meremothmi Jadon eno Gibeonmi ngo Mizpahmi no Aghoki Kukuu akeu angh kungoki kutolo mlave.

⁸ Pano shelo no Harhaiah nu Uzziel ameshoyi kiyiqiu no mla kithe. Eno pa shelo axokütsüngü thazü kümlau Hananiah no Jerusalem lo Akupuwu Akijeu kutolo mlave.

⁹ Pano shelo Jerusalem cheaxü tüxa lo yepeu Hur nu Rephaiah no mla kitheve.

¹⁰ Pano shelo no Harumaph nu Jedaiah no pa ki phivilo mla kithe. Eno pa shelo Hashabneiah nu Hattush no mla kithe.

¹¹ Harim nu Malkhijah ngo Pahath-moab nu Hashub pama no akhudo lakhi mlakithe eno Amiphoki Qogheki ghi mla kitheve.

¹² Eno pa shelo Jerusalem tüxa cheaxü lo yepeu Hallohesh nu Shallum ngo pa ngaqo no mla kitheve.

¹³ Hanun ngo Zanoah phughi lo xüküami no Akhila Khagho mla kitheve. Panongu no piphi boqhasü qhave no ahukikhaqo eno tipau vüdayi ngo akhaduqo mlasüve, eno akupuwu auxakuchho 440, Xine-xigha Khagho kutolo mla kitheve.

¹⁴ Rekhab nu Malkhijah, Bet Haccherem cheaxü lo yepeu no Xine-xigha Khagho mla kithe. Pa no ti shiqhe kithe eno piphi boqhasü qhave eno ahukikhaqo ngo tipau vüdayi eno akhaduqo mlasüve.

¹⁵ Col-hozeh nu Shallum, Mizpah cheaxü lo yepeu no Azüpuki Khagho mla kitheve. Pa no ti shiqhe kithe no khonhave, piphi boqhasü qhave eno ahukikhaqo ngo tipau vüdayi ngo akhaduqo mla süve. Pa no akükau ghutu lo Shelah Zükikhe kupuwu mlave, eno David phughi lo iqicheke laghi kutolo mlave.

¹⁶ Bethzur cheaxü tüxa lo yepeu Azbuk nu Nehemiah no David kumo kuqho-a ghüngüu alahiu zükikhe ngo akumto ghüshimi kungoki kutolo mla kitheve.

¹⁷ Pa shelo Levimi no mla kithe. Bani nu Rehum no mla. Pa shelo Keilah cheaxü lo yepeu Hashabiah no pa cheaxü je lono mla kithe.

¹⁸ Pa shelo pano thiküzümi no mla kithe. Keilah cheaxü tüxa yepeu Henadad nu Bavai no mla kitheve.

¹⁹ Pa shelo Jeshua nu Ezer, Mizpah lo yepeu no aghünanu kiqhi-a cheku lono ikuve chekeu ghüngü kutolo mla kitheve.

²⁰ Pa shelo Zabbai nu Baruch no mla kithe, pa no achinetou Eliashib kilo ikulola kutolo mla kitheve;

²¹ Pa shelo Hakkoz nu Uriah nu Meremoth no Eliashib ki shekha kutolo mla kithe.

²² Pa shelo achinemi ngo hokümxa lo timiqo no mla kitheve.

²³ Pano shelo Benjamin ngo Hasshub pama ki ghüngüu pama no mla kitheve. Pama shelo Ananiah nu Maaseiah nu Azariah no pa ki phivilo mla kitheve.

²⁴ Pa shelo Henadad nu Binnui no Azariah ki lono akupuwu cheku dolo mla kithe, eno acheku kutolo mlave.

²⁵ Uzai nu Palal no akupuwu ghüngü eno akükauw kunguu chebo lo aghukhemi kikhala lono achineki juche keu ghukhemi ki kutolo mla kitheve. Pa shelo Parosh nu Pedaiah

²⁶ ngo achineki lo aqemiqo no kipelau Azü Khagho ngo achineki juche keu ghukhemi ki kutolo mla kitheve.

²⁷ Pa shelo Tekoami no akhudo lakhi mla kithe. Panongu no achineki juche keu ghukhemi ki ghüngü lono huthusü Ophel kupuwu kutolo mla kitheve.

²⁸ Achinemi no Khurshi Khagho shou pütüta ki gizüu mla kithe.

²⁹ Pano shelo Immer nu Zadok no pa ki ghüngü lo mla kithe. Pa shelo Shecaniah nu Shemaiah, Kipela Khagho kheu no mla kithe.

³⁰ Pa shelo Shelemiah nu Hananiah ngo Zalaph nu akütsüghou Hanun pama no tipa shelo mla kithe. Pa shelo Berekhiah nu Meshullam no pa ki ghüngü lo mla kithe.

³¹ Pa shelo ameshoyi kiyiqiu Malkhijah no Hekükütsü Khagho ghüngüu achineki lo aqemi ki ngo alhikishimi ki eno acheku lo aki kunguu jolha kutolo mla kitheve.

³² Ameshoyi kiyiqimi ngo alhikishimi no acheku lo aki kunguu jolha ngo Ambe Khagho dolo mla kitheve.