NEHEMIA 12 - Sumi Naga CL (Re-edited) Bible (BSI)

Achinemi ngo Levimi

¹ Achinemi ngo Levimi hipaqo no Shealtiel nu Zerubbabel ngo Jeshua pama gholono ideighi keqo:

² Amariah, Malluch, Hattush,

³ Shecaniah, Rehum, Meremoth,

⁴ Iddo, Ginnethoi, Abijah,

⁵ Mijamin, Maadiah, Bilgah,

⁶ Shemaiah, Joiarib, Jedaiah,

⁷ Sallu, Amok, Hilkiah, Jedaiah. Timi hipaqo no Jeshua ghuloki lo achinemi gholo sakiphemi eno pano thiküzümi ke.

⁸ Levimi: Jeshua, Binnui, Kadmiel, Sherebiah, Judah, eno Mattaniah, pa no pa thiküzümi sasü shikimthikütsü le saphe che.

⁹ Eno Bakbukiah, Uni ngo pama thiküzümi no alephemi ghüngüu puthugho che.

¹⁰ Jeshua no Joiakim papu; Joiakim no Eliashib papu; Eliashib no Joiada papu;

¹¹ Joiada no Jonathan papu; eno Jonathan no Jaddua papu.

¹² Joiakim no achinetou shi akelo achinemi ngo ali lo akütsüqo hitoi ache: Seraiah li lono Meraiah, Jeremiah li lono Hananiah,

¹³ Ezra li lono Meshullam; Amariah li lono Jehohanan;

¹⁴ Mallukhi li lono Jonathan; Shebaniah li lono Joseph;

¹⁵ Harim li lono Adna; Meraioth li lono Helkai;

¹⁶ Iddo li lono Zechariah; Ginnethon li lono Meshullam;

¹⁷ Abijah li lono Zikhri; Miniamin ngo Moadiah li lono Piltai;

¹⁸ Bilgah li lono Shammua; Shemaiah li lono Jehonathan;

¹⁹ Joiarib li lono Mattenai; Jedaiah li lono Uzzi;

²⁰ Sallai li lono Kallai; Amok li lono Eber;

²¹ Hilkiah li lono Hashabiah; Jedaiah li lono Nethanel.

²² Achinetou Eliashib, Joiada, Jonathan eno Jaddua ghuloki lo, Levimi ghi alimi shou akütsü shikeu yekithi püani eno titoi Persiami Darius küka ghuloki lo achinemi ghi alimi shou akütsü shikeu yekithi püani.

²³ Levi lagha loye, pano limi shou akütsüqo ye Yekikithi kaku lo yepüani eno ti ye Eliashib nu Johanan ghuloki kutolo tishi püani.

²⁴ Levimi shou atomi: Hashabiah, Sherebiah, eno Kadmiel nu Jeshua, eno panongu thiküzümi, Alhou timi David zakütsü kiqi lono, pano ghüngüu puthughope kivetsüghü shekiqhe eno shikimthikütsü le pheche.

²⁵ Mattaniah, Bakbukiah, Obadiah, Meshullam, Talmon, eno Akkub noqo no khagho khemi eno panongu ye khagho lo hekükütsü kiqo kheche.

²⁶ Hipaqo no Jozadak nu Jeshua nu Joiakim ghuloki lo, Nehemiah no angh shiake ghuloki lo, eno Ayezah kiyeu ngo achineu Ezra ghuloki lono ke.

Akupuwu Ikhiphekütsü

²⁷ Jerusalem kupuwu ikhiphekütsü tsalani panongu no Levimi a-a kümtsü lono Jerusalem lo saghi, tishianguno pano pelo küghapayi, aheo eno akighilebo pesü shikimthikütsü eno alekiphe vecheo alokivi shi ikhilu peniye ke.

²⁸ Alephemi nuliqo no Jerusalem sükümxa eno Netophah tokukujo lo aphuqo lono ighi no kumqolu;

²⁹ Bethgilgal, Geba eno Azmaveth cheaxü lo ghi ighi, kughengu alephemi Jerusalem homxape pano sala aphu shiveke.

³⁰ Achinemi ngo Levimi no pano shikimtheve no timiqo eno khaghoqo ngo akupuwu shikimthe.

³¹ Tishino I no Judah lo sakiphemi sawo akupuwu kütsüqa lo kumqo eno shikimthikütsü ghenguno alephemi amqo kini pichebeve. Amqo lakhi no akupuwu apeu Xine-xigha Khagho lo wuve.

³² Hipaqo no panongu papesü wu: Hoshaiah ngo Judah lo sakiphemi tüxa,

³³ Azariah, Ezra, Meshullam,

³⁴ Judah, Benjamin, Shemaiah eno Jeremiah,

³⁵ afuko kipemi achinemi nu hipaqo: Asaph nu, Zaccur nu, Micaiah nu, Mattaniah nu, Shemaiah nu, Jonathan nu Zechariah,

³⁶ eno pa limi Shemaiah, Azarel, Milalai, Gilalai, Maai, Nethanel, Judah, eno Hanani. Panongu kümtsü Alhouw timi David no peche keu lebo kimihi peche. Ayezah kiyeu Ezra no hipaqo züu shino chewu.

³⁷ Azüpuki Khagho lono panongu no David phughi lo iqho chekeu nepa lo vejoi cheiqho eno David kükaki vechesü kipelau Azü Khagho lo wuve.

³⁸ Shikimthi tsükemi mqo lakhiu no ahuu wuve, eno I no amqo tüxa sasü panoqo pape. Ningu no Amiphoki Qoghe hechesü Aliwo Akijeu lo wu.

³⁹ Ephraim Khagho shou, Yeshanah Khagho ngo Akha Khagho phivilo, Hananel Qogheki, eno Aqhe Qogheki vechesü Ambe Khagho lo wu. Panongu no Aghukhemi Khagho lo ngove.

⁴⁰ Ikehu shikimthikütsü lephemi mqo kinikujo achineki lo puthugho luve, eno ni eno hiyampemi tüxa no I gholo ngove;

⁴¹ achinemi hipaqo no afuko peighi: Eliakim, Maaseiah, Miniamin, Micaiah, Elioenai, Zechariah eno Hananiah;

⁴² Maaseiah, Shemaiah, Eleazar, Uzzi, Jehohanan, Malkhijah, Elam eno Ezer. Jezrahiah no sakipheu shi alephemi sasü ale phe.

⁴³ Tipa tsalani panongu no aghakishi kije pesü mlla eno alokivi kije lono ikhilu, kughengu Alhou no panongu loshipivi tsüke. Totimi ngo atianuli ghi alokivi shie. Eno Jerusalem lokivi sütsa ye putosüu ghi chilue.

Achineki lo Akümla

⁴⁴ Tipa tsalani achineki lo tüqhatüzü jeli, ghile hutüghüu, eno chighi saje kiqhi-a lo hekükütsümi süsüve. Ayezah lo aketoi panongu no mishiphu lo alu lono achinemi ngo Levimi saje pewo qhitsü, kughengu Judah timi no achinemi ngo Levimi shou amlokiqi ake.

⁴⁵ Panongu no pano Lhou kümla eno shikimthe keu kümla shi, titoi alephemi ngo khagho khemi ghi David ngo pa nu Solomon zakütsü kiqi lono mlake.

⁴⁶ Kughengu David ngo Asaph ghuloki lo alephemi shou saphetou ache, eno Alhou lau shekiqhe le ngo shikimthikütsü le acheke.

⁴⁷ Zerubbabel ngo Nehemiah pama ghuloki loye alephemi ngo khagho khemi ghenguno Israelmi kümtsü no tsalakipetsü achuqupu tsüche; eno panongu no Levimi saje ikhithape qhitsü; tihutoi Levimi no Aaron nuli saje ikhithape qhitsü cheke.