LESHELE 98 - Sumi Naga CL (Re-edited) Bible (BSI)

Ampeu lau Alokivishi Ighalo

¹ O ale kithe phepe Ampeu shipili lo, kughengu Pa no akümzapu thimeqo shike; Pa u ajeu eno Pa kimthe u no pa ghenguno xakulu süghike.

² Ampeu no Paw xakulu ithiluve peke; Pa no shiyeqo zülono Pa chipiu mikucho pepheke.

³ Pa no Israel kibolomi shou Paw iqemokeu kikimiye eno pükhükulu kümsüchilelue. Ayeghiqha shekichi kümtsü lono ni Lhouw xakulu ithuluvae.

⁴ Ayeghi kümtsü no Ampeu lau alokivishi ighalo; alokivi le eno shekiqhe le phelo.

⁵ Akighilebo pesü Ampeu lau shekiqhe le phelo, akighilebo eno inikivi sütsa pesü Ampeu sheqhelo!

⁶ Afuko eno akibo ghügha pesü Ampeu, akükau zülo alokivishi ighalo!

⁷ Azüghi eno tile lhoxü akeqo kümtsü pelo igha pelo; ayeghiqha eno tile xü akeqo kümtsü pelo igha pelo!

⁸ Aghokiqo pelo panoqo u kukhu pelo; atoghiqo pelo kümtsa alokivi shi

⁹ Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.