LESHELE 87 - Sumi Naga CL (Re-edited) Bible (BSI)

O Kughushu Ghili

Korah Nuliqo Le

¹ Akimthe toghi lo Pa no mishighüna shikeu ani;

² Ampeu no Israel lo a-a kümtsü nguno alau Jerusalem khagho kimiye cheni.

³ O Alhouw mishighüna, o ghenguno akümzapu thimeqo piqhi püani.

⁴ Khunono Ni ithi ani keno panoqo dolo I no Rahab ngo Babylon je kuke; Cush gholono Philistia ngo Tyre julo— panongu no pi, “Hipau ye tilau no punu ke.”

⁵ Eno Zion vilo ishi pi nani, “Hipau eno tipau pama ye li launo punu ke”; kughengu Shishe Akiqheu ampi no li iqhikumto nani.

⁶ Ampeu no timiqow aje yekithi akelo Pa no “Hipau ye tilau no punue” pi yesüve nani.

⁷ Alephemi ngo akighilhemi no ishi pi, “I züpuki kümtsü o lolo ani.”