LESHELE 82 - Sumi Naga CL (Re-edited) Bible (BSI)

Alhou no Küghaküthau

Asaphw Leshele

¹ Kungugha hoho lo Alhou no alakhü mpeu shiani; alhouqo zülo Pa no küghakütha pesü ngo ani:

² “Ado khitohi nongu ye amikucho kumoshi küghatha eno kixikilami lau agikuju piye nani kea?

³ Miqemlei kemi eno mighimi lau kuchou xakütha tsülo; aghime lo akemi eno aqüaghami chipiu peithathi tsülo;

⁴ Miqemlei kemi eno aveküsami xachile tsülo; kixikilami u lono panoqo xaphe tsülo.”

⁵ Panongu ye akighithi mu vethakulu mu kühae, panongu ye aküzü lo checheni; ayeghi boqha kümtsü süküghüthavae.

⁶ I no pi, “Nongu ye alhouqo, nongu kümtsü Shishe Akiqheu nuliqoke;

⁷ tishi aghimu, nongu ye timi toi thini ake, eno yepemi toi veqhive nani.”

⁸ Ithulo, O Alhou, ayeghi shou küghathabe lo kughengu shiye kümtsü Nono amheghi shiluve nani!