LESHELE 75 - Sumi Naga CL (Re-edited) Bible (BSI)

Alhou no Aphiphishi Xatha nani

Asaphw Leshele

¹ Nino shikimthi keu pesü O tsüni, O Alhou; Nino shikimthi keu tsü ani, kughengu O je ye aphivilo ani. Nino Ow akümzapu kümla lheju ani.

² “I no ado kutope qhipüa keu do ghuloki lono I no müzüchoi küghatha nani.”

³ Ayeghi eno tile küxümi kümtsü sükuchoqhi kelo, tipa tsükuchoqo mtotoi ngolupe keu ye I no ke.

⁴ I no aqheküzami vilo pi, ‘Qheza kevilo,’ eno kixikilami vilo, ‘Nongu kibo süqhe kevilo;

⁵ Nongu kibo chuqumghai süqhe kevilo, momu tsütsüngoju akuo peqhepe atsa pi kevilo.’”

⁶ Kughengu kipelau momu kulolau eno asayeqha lonomu pano ampi süqhe kepu ighi chemoe,

⁷ ikemu Alhou no küghakütha süghi cheni lakhiu sünhe qhive eno lakhiu süqheve cheni.

⁸ Kughengu Ampeu u lo ajukhu tsüqüpe ani tipau lono Pa no atsaizü akivishi lekiteve keu eno mlaghubei qole akeu leqhi, eno ayeghi lo kixikilami kümtsü no tipau lo kighiji ashekhau kutolo sho nani.

⁹ Ikemu I no alholo hipau sheshuni; I no Jacob Lhou lau shekiqhe le pheni.

¹⁰ Kixikilami kibo kümtsü I no ghiphove nani, ikemu amikuchomi kibo süqhe nani.