LESHELE 70 - Sumi Naga CL (Re-edited) Bible (BSI)

O Ampeu , Munuve Kevilo

David Le

¹ O Alhou, mtazü I xalulo! O Ampeu, I kuphu kepushi mighi lo!

² Khunono I küxü phucheni keno akukujopu eno kübangü keu lo ilove pelo! Khunono I ghüza nike azüvü cheni keno pano pelo tsüghüve no ajuaje küsa lo ilove pelo!

³ Khunono, “Aha, Aha,” ipi cheni keno pano pelo akukujo lono tsüghüve pelo!

⁴ Khunono O phucheni keno pano pelo O lau alokiqi eno alokivi shilu pelo! Khunono Ow xakulu kimiye cheni keno pano pelo alhokuthu, “Alhou ye kije,” ipi pelo!

⁵ Ikemu ni ye athokhami eno aveküsami ke; O Alhou! I lau mtazü ighilo! I kukuphuu eno I xakuluu ye Noke; O Ampeu, munu kevilo!