LESHELE 67 - Sumi Naga CL (Re-edited) Bible (BSI)

Ningu lau O Gi Yepüvü tsülo

¹ Alhou pelo ni küpüqhiyi tsüno kümghatsü peniu eno Pa gi küvü ningu lau yepüvü tsü peniu,

² tishianguno ayeghi lo shiye kümtsü no O laghi ithi, Ow xakulu küka ithi penie.

³ Ashiayeqo pelo O sheqhe pelo, O Alhou; timi kümtsü no O sheqhe pelo!

⁴ Shiye kümtsü no alovi eno alokiqi shi ale phe pelo, kughengu Nono ashiayeqo aqhemi shi xakütha tsü cheni eno ayeghi lo shiyeqo la kichetsü cheni.

⁵ Ashiayeqo pelo O sheqhe pelo, O Alhou; timi kümtsü no O sheqhe pelo!

⁶ Ayeghi no ghile kighishe lupe; Alhou, ni Lhou no ningu kümghatsü nani;

⁷ Alhou no ni kümghatsü nani; ayeghi shekha kutolo Pa sümsa lo!