LESHELE 54 - Sumi Naga CL (Re-edited) Bible (BSI)

Ampeu no I küxü Süqhe

David Le

¹ O Alhou, O je lono I xalu tsülo, eno O kumto lono I chipiu she petsülo.

² O Alhou, I kighini chilu tsülo; I kichi lono pikeu tsa chilu tsülo.

³ Kughengu inaghami no I lachile ithughivae; ajiküxümi no I küxü phucheni; pano ye Alhou sümsa chemoe.

⁴ Julo, Alhou ye I kukuphuu; Ampeu ye I küxü küpükhau ke.

⁵ Pa no alhoksa pesü I ghümi tsüchile nani; O pükhükulu vecheo panoqo pesü ashekha shive tsülo.

⁶ Pulokini kümllagho pesü I no O lau aghakishi tsüni; O Ampeu, I no shikimthi keu O tsüni, kughengu ti ye akivi ke.

⁷ Kughengu Pa no aveküsa kümtsü lono I xaphelue, eno I ghümi shou tolu keu I nhethi no ithulu peke.