LESHELE 53 - Sumi Naga CL (Re-edited) Bible (BSI)

Akivi Shikemi Khumu Kühae

David Le

¹ Mbomzüu no pa mlo lono picheni, “Alhou kühae.” Panongu ye shiküpsapue, aphikümqhüpu xine shi acheni; akivi shiche kemi khumu kühae.

² Alhou no timi nuliqo gholo vethakulumi, Alhou phuche kemi lakhimu aghini kemo keno kungugha lono jupiqi acheni.

³ Ikemu timi kümtsü no veqhivae; aqoshi amikucho kumo shivae; akivi shiche kemi khumu kühae, milakhimu kühae.

⁴ Khunono alhoksa mla cheni keno akighithi kühae, khuu no ashopa chu aketoi Iw timi tsakhave eno Alhou vilo inikhu move kea?

⁵ Panongu ye thüghüi kepu küha keu-a lo shishe thüghüipe ani! Kughengu Alhou no o ghümi saghi kutholeve tsüae; nono panoqo shikujovae, kughengu Alhou no pano milive.

⁶ O, Zion lono Israel ghenguno xakulu ighi keaye lae! Kughou Alhou no Paw timi lau küakini tsüchileni keno, Jacob pelo alovi pelo, Israel pelo alokiqi shipe lo.