LESHELE 48 - Sumi Naga CL (Re-edited) Bible (BSI)

Zion ye Ni Lhouw Mishighüna

¹ Ampeu ye kije eno ningu Lhouw mishighüna lo shishe no sheqhe kepue! Pa kimthe naghuto,

² jukivishi qhemghai ani, ayeghi kümtsü lokivipu ke, Zion naghuto ye ahuu kushuo lo ani, Akükau akijeu phughi ke.

³ Liw aliwo dolo Alhou no Pa likhi Pa ye ijekulu aliwo lakhi kepi pephe piyevae.

⁴ Kughengu julo, kükami no kumqo luvae; panongu ye kümtsa ighivae.

⁵ Panongu no tipau ithulu khavi akichiqhive; panongu ye kichimamai pove.

⁶ Panongu ye topumi no apunu küsü sü akeshi khokho shive.

⁷ Kipela mülhü vecheo Tarshish zükilu kubo pinyive tsüe.

⁸ Ningu no chilu ketoi ithuluvae aqokitikhi Mpeuw mishighüna, ni Lhouw mishighüna, Alhou no alhokupuju ghenguno shiqhevae.

⁹ O chineki lo, O Alhou, nino Ow iqemokeu kikimiye kümsükutoju ae.

¹⁰ O Alhou, O jekipi hutoi O shekiqhe no ayeghi shekha kutolo ani. O u ajeu achipiu mikucho no chhitoi ani.

¹¹ Ow xakütha ghenguno Zion Naghuto no alovi pelo! Judah limi pelo alokivi shipelo!

¹² Zion homxa alachelo, li vehomxa lo, aliwo kihiju lo,

¹³ Li ghukhe-a kümtsü jukuto lo, Li kighikiqo katha wulo, tishianguno nongu no hithiu tiqhelimi vilo pi nani

¹⁴ tihu ye Alhou ke, alholo eno pülhapuju ni Lhou ke. Pa no alholo ni la kichetsü nani.