LESHELE 47 - Sumi Naga CL (Re-edited) Bible (BSI)

Alhou no Ayeghi Kümtsü shou Akükau

¹ Ashiayeqo, nongu u kukhulo! Alokivi le vekipighi phepe Alhou sheqhelo!

² Kughengu Ampeu, Shishe Akiqheu, ayeghi kümtsü shou akükau kije huye sümsa kepue.

³ Pa no ningu qholo ashiayeqo, eno ningu pukhu philo shiyeqo qhasüpe qhitsüe.

⁴ Pa no ni mheghi kishetsü, Pa no kimiye chekeu Jacob kijivilepu shitsüe.

⁵ Alhou ye asütsa kuloghi lono kunguu ikuvae, afuko ghügha lono Ampeu ye ikuvae.

⁶ Alhou lau shekiqhe le phelo, shikipili le phelo! Ningu kükau lau shekiqhe le phelo, shikipili le phelo!

⁷ Kughengu Alhou no ayeghi kümtsü shou Akükau ke; leshele pesü shikipili le phelo!

⁸ Alhou no shiyeqo shou ayepe cheni; Alhou ye Pa kimthe kükalakhü lo iqa ani.

⁹ Abraham Lhouw timiqo toi ashiaye kükapumi no hekütsü. Kughengu ayeghi züto ye Alhou u lo ani; Pa ye chuqumghai süqhepe anie!