LESHELE 4 - Sumi Naga CL (Re-edited) Bible (BSI)

I no Kukelo I Khochile lo

Davidw Leshele

¹ O I chipiu mikucho Lhou, I no O kukelo I khochile lo! Kughou I no aghime lo akeno Nono akukuphu I tsüe. I lau küpüqhiyi tsülo eno I kighini chilu tsülo!

² O timiqo, khitohi I gigihupu pesü akukujopu lo süve tsüni kea? Khitohi nongu ye adou tsaqo kimiye eno akimki phuni kea?

³ Ikemu Ampeu no Pa ghenguno akimthemi kishe kütüta shivae pi ithilo; I no Ampeu kukelo Pa no chilu tsüe.

⁴ Amloide lo, ikemu axine shi kevilo; nongu lüpa lo akelo amlo lono kümsü julo, eno iqünhei lo.

⁵ Achipiu ghakishi tsülo, eno Ampeu lau now pükhükibe qhilo.

⁶ Kutomo no pi, “Khuu no akivi ningu piyeni kea? O Ampeu, ningu shou O gi küvü yepüvü tsülo!”

⁷ Timi no athi ngo atsaizü kupukuno shi akeu nguno alau Nono I mlo lo alokivi sütsüe.

⁸ Ni ye aloino qhiyi ihozü no zühulu nani; kughengu, O Ampeu, O likhi no I pelo sükusho lono xülupe cheni.