LESHELE 3 - Sumi Naga CL (Re-edited) Bible (BSI)

I Xalulo, O I Lhou

David no pa nu Absalom launo pocheke lono

¹ O Ampeu, I ghümi ye khijejehi kela! Kutomo no I shou ikughi ani;

² kutomo no I ghili piani, “Pa ghenguno Alhou lau xakulupu kühae.”

³ Ikemu, O Ampeu, No ye I vehope akeu züto ke, I juküvü, eno I kütsü peqhe kütsüu ke.

⁴ I no Ampeu vilo ighamku, eno Pa no Pa kimthe toghi lono I khochile tsüe.

⁵ I no iqi ihozü no zühuve; eno itaghi ithughive, kughengu Ampeu no I püxütsüe.

⁶ Timi qhethonhe no I sühope I lachile akeqo ni ye msamo nani.

⁷ Ithulo, O Ampeu! I xalulo, O I Lhou! Kughengu Nono I ghümi kümtsü gimuchu lo ghatsüe; Nono kixikilami hu hela tsüe.

⁸ Xakulu ye Ampeuw ke; Ow kükümgha ye Ow timiqo shou apelo!