LESHELE 29 - Sumi Naga CL (Re-edited) Bible (BSI)

Ampeu Juküvü Sheqhelo.

Davidw Leshele

¹ Ampeu sheqhelo, O kungugha lo küamiqo, ajuküvü eno aküka pesü Ampeu lau sheqhelo.

² Pa je juküvü qhemi lono Ampeu lau sheqhelo; akimthe juküvü lono Ampeu mllalo.

³ Ampeu sütsa ye azüghi shou ani; ajuküvü Lhou no tsütsüsüe, Ampeu ye azüghi shou ani.

⁴ Ampeu sütsa ye akumtoe; Ampeu sütsa ye akükanguagha no chhitoi ke.

⁵ Ampeu sütsa no cedar sü pigheve cheni; Ampeu no Lebanon lo cedar sü pigheve cheni.

⁶ Pa no Lebanon pelo amshiti toi, Sirion pelo aviala toi kakashi ilhepe.

⁷ Ampeu sütsa no ami mili toi phaphashi kulo ighie;

⁸ Ampeu sütsa no asayeqha süküghüthae; Ampeu no Kadesh sayeqha süküghüthae.

⁹ Ampeu sütsa no ashe pelo ati piti lupe, eno aghasü qhoqhipe kümsa shitsüe, eno Pa chineki lo kümtsü no, “Ajuküvü” ipi ighamkue!

¹⁰ Ampeu no azüghi shou kükalakhü lo iqa ani; Pa ye alhokupuju akükau shi kükalakhü lo iqa ani.

¹¹ Ampeu no aküka kumto pesü Paw timiqo tsü peniu! Ampeu no aloino keu pesü Paw timi kümgha tsü peniu!