LESHELE 23 - Sumi Naga CL (Re-edited) Bible (BSI)

Ampeu ye I Kheu

Davidw Leshele

¹ Ampeu ye I kheu, ni ye kiumu mlomoe.

² Pa no I pelo atsüni kümtsha lo ihozüpe. Pa no azü küghüqü phivilo I sawu.

³ Pa no I ngulho püxütsü. Pa ju aje ghenguno Pa no achipiu lalo I sawu.

⁴ I no akithi yekükhü khila hechewu namu ni ye alhoksa kiumu msamoe, kughengu Nono I gholo ani; O küsü eno O qheküsü no I lokughuno tsü cheni.

⁵ Nono I ghümi nhethe lono I zülo aghulhu lüpa kutotsü; Nono thazü pesü I kütsü nutsü; I jukhu lo yele lesütsüe.

⁶ Mtsüqheino akivi eno kimiyekini no I küxü kupuju lo I pape nani, eno ni ye pülhapuju Ampeu kilo acheuve nani.