LESHELE 2 - Sumi Naga CL (Re-edited) Bible (BSI)

Ampeu w Nukikishe Yepe

¹ Kushiye shiyeqo ye axuide cheni eno ashiayeqo ye adou lono kuchughu cheni kea?

² Ayeghi lo kükami no pano ampi süqhe, eno yepemi no mije küqhano Ampeu eno Paw Nukikishe lachile pi,

³ “Ningu pano kütsügha kütütashi süthave tsüno pano kighi peve tsüni nolo.”

⁴ Atsütsü lo iqa akeu huno junu ani; Ampeu no panoqo jukünatha ani.

⁵ Tithiu Pa loghu lono Pa no panoqo pütsa nani, Pa xukighide lono panoqo kichi kümsa no pi,

⁶ “I kimthe toghi Zion lo I no I ghenguno Akükau süsüvae.”

⁷ I no xaküthaza pini: Ampeu no I vilo pi, “No ye I Nu; ishi tsala lono I no o pu shivae.

⁸ I vilo khulo, eno I no shiyeqo pesü o mheghi shitsüni, ayeghi shekichi pesü o mheghi shitsüni.

⁹ Nono ayiküsü pesü panoqo ghaqhi nani eno ayeghi li kuboke toi panoqo vepho pinyi nani.”

¹⁰ Tighenguno itehi, O kükamiqo, alotsü lo; ghutu lulo, O ayeghi lo yepemiqo.

¹¹ Msaighü ghi Ampeu qelo, eno khokhoshi alovilo.

¹² Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.