LESHELE 15 - Sumi Naga CL (Re-edited) Bible (BSI)

Khuu no O Kimthe Toghi lo Ngoluni Kea?

Davidw Leshele

¹ O Ampeu, khuu no O phiki lo ngoluni kea? Khuu no O kimthe toghi lo küghüna luni kea?

² Timi khuu no tichetighe küha, achipiu shicheni eno pa mlo lono kuchou tsa pi cheni keno;

³ khunono pa mili pesü timi pipüsa chemo eno pa kisüghüu lau alhoksa shi chemo, momu pa küsau thogha chemo keno;

⁴ pa nhethe lo kixikilami mithi, eno Ampeu sümsa chekemi qhoqhü gihu cheni; khunono pa ampi ghüzave namu pa no piqhikeu iqeve chemo;

⁵ khunono akighishe lono paw pisa püna chemo eno pimihami lau külügho luchemo keno; hitoi shiche kemi ye khilemu süküghüthave mla nani.