LESHELE 141 - Sumi Naga CL (Re-edited) Bible (BSI)

I Sütsa Chilu Tsülo

Davidw Leshele

¹ O Ampeu, I no O ku ani, mtazü I lau ighi tsülo! Kughou I no O kuni keno I sütsa chilu tsülo!

² I kighini ye axokütsüngü toi O zülo kihi tsülo, eno I u peqhepe inikhu akeu ye avelau kipti gho toi ikhilu tsülo!

³ I kichi khekuto tsülo, O Ampeu; I mütsü kikha jukuto tsülo!

⁴ Axine kümla shiche kemi loji lo I pelo mighimghai küsakügha kümla shipemo nike kiu küsakügha lomu I mlo bepe ngope kevilo, eno I pelo pano chuqupu kivi chushope kevilo!

⁵ Amikuchomi pelo I ghaqhi pelo—ti ye kimiyekini ke; pa pelo I sakiyi pelo—ti ye I kütsü lo thazü ke; I kütsü pelo ti milivepe kevilo. Ikemu I kighini ye alhokuthu pano kixikila kümla ghochile acheni.

⁶ Kughou atuxu lo panow xaküthami tukulu süni keno, panongu no I tsa chilu nani, kughengu ti ye amlokiqi ke.

⁷ Milakhi no ayeghi chhu eno hokide aketoi, ningu saghi pesü Kithigha kichi lo kuthole süve nani.

⁸ Ikemu I nhethi ye O küdau juani, O Alhou, I Mpeu; O lau I no ijelu kepu phucheni; sükusho küha no I qhive kevilo!

⁹ Panongu no I ghenguno alichhe qhipüakeu lono, kixikilami lichhe lono I xalulo!

¹⁰ Küsaküghami pelo pano lichhe lo ikiqi ilove pelo, I pelo aküpüna küha no katha wulu pelo.