LESHELE 14 - Sumi Naga CL (Re-edited) Bible (BSI)

Mbomzümi no Alhou Kühae Pi

Davidw Leshele

¹ Mbomzümi no pa mlo lono ishi picheni, “Alhou ye kühae.” Panongu ye shiküpsa, kuchhube kümla shicheni, milakhimu akivi shikemi kühae.

² Ampeu no kungugha lono pishipiqi timi nuli lakhi nomu vethalu no Alhou phuju cheni kemo keno jucheni.

³ Kümtsü no lavela lo wuvae; kümtsa shiküpsa shiuvae; akivi shikemi khumu kühae, milakhimu kühae.

⁴ Küsaküghami kümtsü no asho chu akeshi Iw timi chukhavae eno Ampeu ku ighimoe, panongu ye akighithi küha keo?

⁵ Panongu ye shithüghüi keu kije lo ani, kughengu Alhou ye achipiu shikemi tiqheli gholo ani.

⁶ Nono kumlhomi kukughu shikukujo cheni, ikemu Ampeu no pa küghütshü-a ke.

⁷ O, Israelmi ghenguno Zion lono xakulu ipeghi keaye lae! Kughou Ampeu no Paw timi ngukümgha tsüchileni keno, Jacob no alovi pelo, Israel no alokiqi shipelo.