LESHELE 137 - Sumi Naga CL (Re-edited) Bible (BSI)

Kishi Ampeu Le Pheni Kea?

¹ Babylon ghoki mkülo, kughou ningu no Zion kümsülu keno ningu no tilehi iqano mloqa.

² Tilehi mulosübo shou ningu no akighilebo pufupe qhive.

³ Kughengu tilehi ni küghaluve kemi no ningu vilo alokivi le phelo pi azah tsüe, eno ningu ghimeqhi akemi no pi, “Zion shipili keu le phepe ni piyelo!”

⁴ Kishino inami yeghi lono ningu ye Ampeu shikipili le pheluni kea?

⁵ O Jerusalem, I no O kümsümave aye, I u ajeu pelo kütshakügha kümla shimthave peniu!

⁶ Tsala I no o kümsümave aye, tsala I no Jerusalem pesü I lokivi akiqheu nguno qhemghaike-a lo qhimove aye, I mili no I taha daluve peniu!

⁷ O Ampeu, Edommi no Jerusalem leighike tsala lo panongu no pi, “kuboleve lo, kuboleve lo, iqi aboqhaqo kutolo kuboleve lo” ipikeu kümsü lulo!

⁸ O Babylon limi, kütsaveni küau, nono ningu lau mlakeu lo khuu no o lochile luni keno pa lokivipue!

⁹ Khuu no o nga kughunuqo ikhipe atuqu shou vepuku luni keno pa ye alokivipue!