LESHELE 136 - Sumi Naga CL (Re-edited) Bible (BSI)

Ampeu w Iqemokeu Kikimiye

¹ Shikimthi keu Ampeu tsülo, kughengu Pa ye aloe, kughengu Paw iqemokeu kikimiye ye alhokupuju acheni.

² Shikimthi keu pesü alhouqo shou Alhou tsülo, kughengu Paw iqemokeu kikimiye ye alholo acheni.

³ Shikimthi keu pesü ampemi nguno Ampeu Alhou tsülo, kughengu Paw iqemokeu kikimiye ye alholo acheni;

⁴ Pa likhi no akümzapu kije shipiyelu cheni, kughengu Paw iqemokeu kikimiye ye alholo acheni;

⁵ Pa lokütsü pesü Pa no kungugha lhoe, kughengu Paw iqemokeu kikimiye ye alholo acheni;

⁶ Pa no azü kutho shou ayeghiqha xachhope qhie, kughengu Paw iqemokeu kikimiye ye alholo acheni;

⁷ Pa no aküvü kije mlae, kughengu Paw iqemokeu kikimiye ye alholo acheni;

⁸ Pa no khetsünhe pelo puchou yepüvü peke kughengu Paw iqemokeu kikimiye ye alholo acheni;

⁹ Pa no aqhi ngo ayepuqo pelo putho lo yepüvü peke, kughengu Paw iqemokeu kikimiye ye alholo acheni;

¹⁰ Pa no Egypt lo anoghiuqo pithive tsüe, Kughengu Paw iqemokeu kikimiye ye alholo acheni;

¹¹ eno Israelmi sasü panoqo dolono ipeghie, kughengu Paw iqemokeu kikimiye ye alholo acheni;

¹² Pa u kumto eno Pa küka kumto vecheo saipeghi, kughengu Paw iqemokeu kikimiye ye alholo acheni;

¹³ Pa no Akuhu Züghi pesü kijethave tsüe, kughengu Paw iqemokeu kikimiye ye alholo acheni;

¹⁴ eno Israelmi pelo tipau mta lono kathawu peke, kughengu Paw iqemokeu kikimiye ye alholo acheni;

¹⁵ ikemu Pharaoh eno paw aqokitikhi ye Akuhu Züghi lo vesüve, kughengu Paw iqemokeu kikimiye ye alholo acheni;

¹⁶ Pa no Paw timi sasü asayeqha katha wue; kughengu Paw iqemokeu kikimiye ye alholo acheni;

¹⁷ Pa no kükami akumtomi ghiqhive; kughengu Paw iqemokeu kikimiye ye alholo acheni;

¹⁸ kükami kughushumi pithive, Kughengu Paw iqemokeu kikimiye ye alholo acheni;

¹⁹ Sihon, Amorimi kükau, kughengu Paw iqemokeu kikimiye ye alholo acheni;

²⁰ eno Og, Bashan kükau, kughengu Paw iqemokeu kikimiye ye alholo acheni;

²¹ eno pano yeghi pesü amheghi lakhi shi tsüke, kughengu Paw iqemokeu kikimiye ye alholo acheni;

²² Pa qemi Israelmi lau amheghi shitsüe, kughengu Paw iqemokeu kikimiye ye alholo acheni.

²³ Ningu no anguküsa sholu kelo Pa no ni kümsülue, kughengu Paw iqemokeu kikimiye ye alholo acheni;

²⁴ eno ni ghümi launo ni xalue, kughengu Paw iqemokeu kikimiye ye alholo acheni;

²⁵ Pa no xüakeu lhoxü kümtsü lau achuqupu tsüe, kughengu Paw iqemokeu kikimiye ye alholo acheni.

²⁶ Kungugha Lhou lau shikimthi keu tsülo, kughengu Paw iqemokeu kikimiye ye alholo acheni.